తాతల కాలం నాటి ఫ్రెండ్‌షిప్‌తో.. నిహారిక పెళ్లి పెద్ద ఆయనే!!

మెగా బ్రదర్ నాగబాబు కుమార్తె నిహారిక కొణిదెల వివాహ వార్త మీడియాలో హాట్ టాపిక్‌గా మారింది. నిహారిక మెగా డాటర్ కావడం, సినిమాల్లో కూడా నటించడంతో ఆమె పెళ్లి అనగానే అందరిలో ఆసక్తి పెరిగింది. తనకు పెళ్లి కుదిరిందని నిహారిక సోషల్ మీడియా ద్వారా పరోక్షంగా వెల్లడించడంతో ఒక్కసారిగా అందరి దృష్టి ఆమెపై పడింది. ఇక కాబోయే భార్యభర్తల ఫొటోలు బయటికి రావడంతో జంట చూడముచ్చటగా ఉందని అంతా అంటున్నారు. ప్రస్తుతం ఈ ఫొటోలు సోషల్ మీడియాలో వైరల్‌గా మారాయి.

Also Read: ''అతను నా వాడే'' అంటూ మరో ఫొటో వదిలిన నిహారిక.. మెగా డాటర్ జోడీ అదిరిందిలే!!

ఇది పెద్దల కుదిర్చిన సంబంధం అని ఇప్పటికే వార్తలు బయటికి వచ్చాయి. గుంటూరు రేంజ్ ఐజీ ప్రభాకర్ రావు కుమారుడు జొన్నలగడ్డ వెంకట చైతన్యను నిహారిక పెళ్లిచేసుకోబోతున్నారు. అయితే, ఈ సంబంధం ఖాయం కావడం వెనుక మెగాస్టార్ చిరంజీవి ఉన్నారన్న సంగతి చాలా మందికి తెలీదు. చైతన్య కుటుంబంతో మెగా ఫ్యామిలీకి ఎప్పటి నుంచో పరిచయం ఉందట. చిరంజీవి తండ్రి కొణిదెల వెంకటరావు, చైతన్య తాతయ్య గుణ వెంకటరత్నం ప్రాణ స్నేహితులట. అందువల్ల ఈ రెండు కుటుంబాలు చాలా కాలంగా టచ్‌లో ఉన్నాయట.

Also Read: మిస్టర్ అండ్ మిసెస్ నిహారిక చైతన్య.. చూడముచ్చటైన జంట

నిహారికకు పెళ్లి సంబంధాలు చూడాలని నాగబాబు అన్నప్పుడు చిరంజీవికి వెంటనే చైతన్య గుర్తుకువచ్చారట. దీంతో ఐజీ ప్రభాకర్ రావుతో మాట్లాడి సంబంధం ఖాయం చేసుకున్నారని సమాచారం. అయితే, సంబంధం ఓకే చేయడానికి ముందు నిర్ణయాన్ని నిహారిక, చైతన్యలకే వదిలేశారని అంటున్నారు. వీరిద్దరూ రెండు మూడుసార్లు కలిసి ఒకరి గురించి ఒకరు తెలుసుకుని పెళ్లికి ఓకే చెప్పారని ఇండస్ట్రీ వర్గాల సమాచారం. కాగా, నిహారిక-చైతన్య నిశ్చితార్థం ఈ ఏడాది ఆగస్టులో జరుగుతుందని, పెళ్లి వచ్చే ఏడాది ఫిబ్రవరిలో నిర్వహిస్తారని తెలిసింది.