జన్మజన్మలు నీకు బిడ్డలుగా పుట్టాలి: చిరంజీవి
తల్లి అంజనా దేవి పుట్టినరోజు వేడుకకు సంబంధించిన ఫొటోలను మెగాస్టార్ చిరంజీవి సోషల్ మీడియా ద్వారా అభిమానులతో పంచుకున్నారు. ‘‘మాకు జన్మని, జీవితాన్ని ఇచ్చిన అమ్మ పుట్టినరోజు. జన్మజన్మలు నీకు బిడ్డలుగా పుట్టాలని కోరుకుంటూ.. హ్యాపీ బర్త్డే అమ్మ’’ అని సోషల్ మీడియాలో చేసిన పోస్టులో మెగాస్టార్ చిరంజీవి పేర్కొన్నారు.
ఐదుగురు బిడ్డలతో అంజనా దేవి
తన ముగ్గురు కొడుకులు చిరంజీవి, నాగబాబు, పవన్ కళ్యాణ్‌తో పాటు కుమార్తెలు విజయదుర్గ, మాధవిలతో కలిసి అంజనా దేవి పుట్టినరోజును జరుపుకున్నారు. తన ఐదుగురు బిడ్డలతో కలిసి ఆమె దిగిన ఫొటో ప్రస్తుతం సోషల్ మీడియాలో వైరల్ అవుతోంది.
నానమ్మకు రామ్ చరణ్ ముద్దు
నానమ్మ అంజనా దేవి పుట్టినరోజు వేడుకలో పాల్గొన్న మెగా పవర్ స్టార్ రామ్ చరణ్.. ఆమెకు శుభాకాంక్షలు తెలియజేశారు. అనంతరం నానమ్మకు ఆప్యాయంగా ఒక ముద్దు ఇచ్చారు. ఈ ఫొటో సైతం ప్రస్తుతం సోషల్ మీడియాలో వైరల్ అవుతోంది.
కిందటేడాది చిరంజీవి దూరం
గతేడాది కుటుంబ సభ్యులు జరుపుకున్న అంజనా దేవి పుట్టినరోజు వేడుకలో మెగాస్టార్ చిరంజీవి పాల్గొనలేకపోయారు. ఆయనకు కోవిడ్ పాజిటివ్ రావడంతో సెల్ఫ్ ఐసోలేషన్‌లోకి వెళ్లారు. దీంతో తాను పుట్టినరోజు వేడుకలో పాల్గొనలేకపోయానని చిరు ట్వీట్ చేశారు. తన గదిలో నుంచే ట్విట్టర్ ద్వారా అమ్మకు శుభాకాంక్షలు తెలిపారు.