Chiranjeevi, Pawan Kalyan, Nagarjuna, Balakrishna And Other Biggies Attend Jayasudha’s Son Nihar Kapoor’s Wedding Reception
జయసుధ పెద్ద కుమారుడి వెడ్డింగ్ రిసెప్షన్.. సినీ తారల సందడి
ప్రముఖ సినీ నటి జయసుధ పెద్ద కుమారుడు నిహార్ వివాహ రిసెప్షన్ అంగరంగ వైభవంగా జరిగింది. శనివారం హైదరాబాద్‌లోని పార్క్ హయత్ హోటల్‌లో జరిగిన ఈ వివాహ విందుకు టాలీవుడ్‌, బాలీవుడ్ సినీ ప్రముఖులతోపాటు రాజకీయ నాయకులు కూడా హాజరై వధూవరులు నిహార్, అమ్రిత్ దంపతులను ఆశీర్వదించారు.
Samayam Telugu1 Mar 2020, 2:42 pm
ప్రముఖ సినీ నటి జయసుధ పెద్ద కుమారుడు నిహార్ వివాహ రిసెప్షన్ అంగరంగ వైభవంగా జరిగింది. శనివారం హైదరాబాద్‌లోని పార్క్ హయత్ హోటల్‌లో జరిగిన ఈ వివాహ విందుకు టాలీవుడ్‌, బాలీవుడ్ సినీ ప్రముఖులతోపాటు రాజకీయ నాయకులు కూడా హాజరై వధూవరులు నిహార్, అమ్రిత్ దంపతులను ఆశీర్వదించారు.
Samayam Teluguజయసుధ పెద్ద కుమారుడి వెడ్డింగ్ రిసెప్షన్.. సినీ తారల సందడి
ఫిబ్రవరి 26న వివాహం
ఢిల్లీకి చెందిన అమ్రిత్ కౌర్‌తో నిహార్ వివాహం ఫిబ్రవరి 26న ఢిల్లీలో గ్రాండ్‌గా జరిగింది. జయసుధ, నితిన్ కపూర్(లేటు) దంపతులకు నిహార్ కపూర్, శ్రేయాన్ కపూర్ ఇద్దరు కుమారులున్నారు. నిహాన్‌ వ్యాపారవేత్తగా రాణిస్తున్నారు. చిన్న కుమారుడు శ్రేయాన్ ‘బస్తీ’ సినిమా ద్వారా వెండితెరకు పరిచయమయ్యారు. అయితే, ఈ సినిమా ప్రేక్షకులను ఆకట్టుకోలేకపోయింది. మరోవైపు జయసుధ ఇటు వరుసగా సినిమాలు చేస్తూ రాజకీయాల్లోనూ చురుగ్గా పాల్గొంటున్నారు.
దిగివచ్చిన తారలు
శనివారం పార్క్ హయత్‌లో జరిగిన నిహార్, అమ్రిత్‌ల వివాహ రిసెప్షన్‌లో సూపర్‌స్టార్‌ కృష్ణ, మెగాస్టార్ చిరంజీవి, పవర్ స్టార్ పవన్ కళ్యాణ్, నటసింహా బాలకృష్ణ దంపతులు, నాగార్జున దంపతులు, జాకీష్రాఫ్, కృష్ణంరాజు సతీమణి శ్యామల, మోహన్‌బాబు దంపతులు, రాజశేఖర్ జీవిత దంపతులు, టి. సుబ్బిరామిరెడ్డి దంపతులు, దర్శకేంద్రుడు రాఘవేంద్రరావు, అల్లు అరవింద్, పొట్లూరి వరప్రసాద్, తమ్మారెడ్డి భరద్వాజ, రాజమౌళి దంపతులు, పరుచూరి గోపాలకృష్ణ దంపతులు పాల్గొన్నారు.
అలాగే బ్రహ్మానందం, రాజేంద్రప్రసాద్, నాగబాబు, దగ్గుబాటి సురేష్ బాబు, కృష్ణవంశీ - రమ్యకృష్ణ దంపతులు, అలీ దంపతులు, మంత్రులు తలసాని శ్రీనివాస్ యాదవ్, రఘురామకృష్ణంరాజు, అరెకెపూడి గాంధీ, గంటా శ్రీనివాస్, బాబూ మోహన్, నరేష్, చలపతిరావు, బెనర్జీ, దిల్ రాజు, నమ్రత, బీవీఎస్ఎన్ ప్రసాద్, రాజా రవీంద్ర, అక్కినేని సుశీల, మంచు లక్ష్మి, శివబాలాజీ దంపతులు, హేమ, అనితా చౌదరి, శుభలేఖ సుధాకర్, వైవిఎస్ చౌదరి, జెమినీ కిరణ్, సుహాసిని, ప్రభ, ఖుష్బూ తదితర ప్రముఖులు హాజరై నూతన వధూవరులను ఆశీర్వదించారు.
జయసుధ భర్త ఎవరు?
ప్రముఖ బాలీవుడ్ నటుడు జితేంద్రకు సోదరుడైన నితిన్ కపూర్ 1985లో జయసుధను వివాహం చేసుకున్నారు. నితిన్ తెలుగులో పలు సినిమాలు నిర్మించారు. తన కుమారుడు శ్రేయాన్‌ను పరిచయం చేస్తూ ‘బస్తీ’ సినిమాను కూడా నితినే నిర్మించారు. అయితే, ఈ సినిమా ఆర్థికంగా కోలుకోలేని దెబ్బతీసింది. ఇదిలా ఉంటే, నితిన్ 2017 మార్చిలో ముంబైలో ఆత్మహత్య చేసుకున్నారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
