Acharya Twitter Review: బట్టలు చించుకోవాల్సిందే! ఆడియన్స్ టాక్ ఎలా ఉందంటే..
Acharya Release: మెగాస్టార్ చిరంజీవి హీరోగా రూపొందిన ఆచార్య మూవీ నేడు (ఏప్రిల్ 29) ప్రేక్షకుల ముందుకొచ్చింది. మరి ఈ సినిమా ప్రీమియర్స్ చూసిన ఆడియన్స్ ఏమంటున్నారు? ట్విట్టర్‌లో నడుస్తున్న టాక్ ఎలా ఉందో చూద్దాం.
చిరంజీవి, రామ్ చరణ్ ప్రధాన పాత్రల్లో నటించిన 'ఆచార్య' సినిమాపై భారీ హైప్ నెలకొన్న సంగతి తెలిసిందే. దేవాలయాల్లో జరుగుతున్న అక్రమాల నేపథ్యంలో కొరటాల శివ రూపొందించిన ఈ సినిమా కోసం యావత్ తెలుగు ప్రేక్షక లోకం ఎంతగానో ఎదురు చూసింది. మరోవైపు చిత్రానికి సంబంధించి వదిలిన అన్ని అప్డేట్స్ సినిమాపై క్యూరియాసిటీ పెంచేశాయి. ఈ పరిస్థితుల నడుమ నేడు (ఏప్రిల్ 29) ఈ చిత్రాన్ని గ్రాండ్ రిలీజ్ చేస్తున్నారు. అయితే ఇప్పటికే యూఎస్, తెలుగు రాష్ట్రాల్లో ప్రీమియర్స్ పడటంతో ట్విట్టర్ వేదికగా 'ఆచార్య'పై తమ తమ రివ్యూలు ఇచ్చేస్తున్నారు నెటిజన్లు. మరి ఈ రివ్యూస్ ఎలా ఉన్నాయి? సినిమాపై జనం ఏమంటున్నారనే దానిపై ఓ లుక్కేద్దామా..
Samayam TeluguAcharya
ట్విట్టర్‌లో నెటిజన్లు పెడుతున్న ట్వీట్స్ ఆధారంగా చూస్తే ఆచార్య సినిమాకు పాజిటివ్ రెస్పాన్స్ దక్కిందని తెలుస్తోంది. ఫస్టాఫ్ ఓకే అనిపించిందని, సెకండాఫ్‌లో మెగా తండ్రీకొడుకులు రామ్ చరణ్, చిరంజీవి సీన్స్ పూనకాలు తెప్పించాయని అంటున్నారు. ముఖ్యంగా రామ్ చరణ్ రోల్ ఈ సినిమాకు ప్రాణం అని చెబుతుండటం గమనార్హం. ఇంటర్వెల్ సీన్‌లో సిద్ద ఇరగదీశాడని చెబుతున్నారు. మణిశర్మ బ్యాక్ గ్రౌండ్ మ్యూజిక్ అద్భుతంగా ఉందనే టాక్ బయటకొచ్చింది. ఓవరాల్‌గా బొమ్మ బ్లాక్ బస్టర్ అనే వారు ఎక్కువ మందే ఉన్నారు. HBD Samantha : సమంత బికినీ ఫోటో షేర్ చేస్తూ స్పెషల్ విషెస్.. రష్మిక మందన పోస్ట్ వైరల్ ఇంకొందరైతే ఆచార్య చూసి తెగ సంబరపడుతూ ట్వీట్స్ చేస్తున్నారు. సెకండాఫ్‌లో చిరంజీవి, రామ్ చరణ్ స్క్రీన్ ప్రజెన్స్ హైలైట్ అని, ఫైట్స్, సాంగ్స్ సూపర్ అంటున్నారు. క్లైమాక్స్‌లో అయితే బాస్ విశ్వరూపం చూశామని చెబుతున్నారు. షోకి వెళ్ళేటప్పుడు ఎక్స్‌ట్రా షర్ట్ తీసుకెళ్లండి.. బట్టలు చించుకోవాల్సిందే అని కామెంట్స్ పెడుతున్నారు. కొరటాల మరోసారి తన మార్క్ చూపించారని ట్వీట్స్ చేస్తున్నారు.
మరోవైపు ఆచార్య సినిమా పట్ల నెగెటివ్ కామెంట్స్ మోత మోగుతున్నాయి. కొరటాల శివ నుంచి ఈ తరహా స్క్రిప్ట్ ఊహించలేదని, స్టోరీ చాలా వీక్‌గా ఉందనే కోణంలో నెటిజన్ల ట్వీట్స్ కనిపిస్తున్నాయి. కొరటాల గత చిత్రాలతో ఏమాత్రం పోల్చే విధంగా ఈ సినిమా లేదనే టాక్ స్ప్రెడ్ చేస్తున్నారు. ఫస్టాఫ్ అంతా సాగదీతగా ఉందని, క్లైమాక్స్‌ ఎమోషనల్‌ సీన్స్ కాస్త పర్వాలేదని అంటున్నారు. ఓవరాల్‌గా ఇప్పటివరకు వచ్చిన ట్వీట్స్ ఆధారంగా చెప్పాలంటే ఆచార్యకు మిశ్రమ స్పందనే దక్కింది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
