చిరు అల్లుడికి జోడీగా లక్కీ గాళ్!

మెగాస్టార్ చిరంజీవి చిన్నల్లుడు కల్యాణ్ కనుగంటి త్వరలో ఓ సినిమా చేయనున్న విషయం తెలిసిందే. ‘జత కలిసే’ ఫేమ్ రాకేష్ శశి దర్శకత్వం వహించనున్నారు. వారాహి చలన చిత్ర పతాకంపై సాయి కొర్రపాటి ఈ సినిమాను నిర్మించనున్నారు. ఈ సినిమా కోసం ఇప్పటికే కల్యాణ్ సిద్ధంగా ఉన్నట్లు సమాచారం. నటనతో పాటు మార్షల్ ఆర్ట్స్‌లో శిక్షణ తీసుకున్న మెగా అల్లుడు మామ పేరును నిలబెట్టేందుకు బాగానే కష్టపడుతున్నాడట. అలాగే ఈ సినిమాలో హీరోయిన్‌ను కూడా ఖరారు చేసినట్లు తెలుస్తోంది.

కల్యాణ్ సినిమాలో అనుపమా పరమేశ్వరన్‌ను తీసుకున్నట్లు వార్తలు వస్తున్నాయి. టాలీవుడ్‌లో లక్కీ గాళ్‌గా పేరొందిన అనుపమా అయితే కల్యాణ్ తొలి సినిమాను కరెక్ట్‌గా సరిపోతుందని దర్శక, నిర్మాతలు భావించారట. అయితే ఈ విషయాన్ని అధికారికంగా వెల్లడించాల్సి ఉంది. ఈ సినిమా కోసం ఇప్పటికే కల్యాణ్‌కు స్క్రీన్ టెస్ట్ కూడా నిర్వహించినట్లు సమాచారం. త్వరలోనే ఈ చిత్రం పట్టాలెక్కనుంది.

వాస్తవానికి కల్యాణ్‌ నటనపై ఆసక్తి చూపడంతో చిరంజీవి కూడా ఓ అనేశారట. అందుకనే వైజాగ్‌లో సత్యానంద్ దగ్గర మూడు నెలల పాటు నటనలో శిక్షణ ఇప్పించారట. పవన్‌కల్యాణ్‌, మహేశ్‌బాబు, ప్రభాస్‌, రవితేజ, వరుణ్‌తేజ్‌, జయం రవి తదితర హీరోలకు సత్యానంద్‌ శిక్షణ ఇచ్చారు. తాజాగా సత్యానంద్ దగ్గర శిక్షణ పొందిన కల్యాణ్‌.. హావభావాలు పలికించడం, డైలాగ్స్ చెప్పడం, వాయిస్ డిక్షన్ ఇలా ప్రతి విషయంలో నైపుణ్యం పొందాడని సమాచారం.