'ఖైదీ నెం.150' క్లైమాక్స్‌ మొదలైంది!

మెగాస్టార్ చిరంజీవి కెరీర్‌లో ఎంతో ప్రతిష్టాత్మకంగా తెరకెక్కుతున్న చిరు కమ్ బ్యాక్ మూవీ 'ఖైదీ నెం.150' శరవేగంగా షూటింగ్ పూర్తి చేసుకుంటోంది. ఇప్పటికే దాదాపు 70 % షూటింగ్ పూర్తి చేసుకున్న ఈ సినిమా చిత్రీకరణ ప్రస్తుతం క్లైమాక్స్ స్టేజ్‌కి వచ్చింది. ఇవాళే ఈ సినిమా క్లైమాక్స్ షూటింగ్ ప్రారంభం కాగా ఈ క్లైమాక్స్ పార్ట్‌తో ఈ షెడ్యూల్‌ని ముగించాలి అని యూనిట్ డిసైడ్ అయినట్టు తెలుస్తోంది. ఈ క్లైమాక్స్ తర్వాత మిగతా పాటల్ని షూట్ చేసి, మెగా ఫ్యాన్స్‌కి వచ్చే సంక్రాంతి కానుకగా సంక్రాంతికి రిలీజ్ చేయాలని ప్లాన్ చేసుకుంటున్నారు.

చిరు తనయుడు, మెగాపవర్ స్టార్ రాంచరణ్ తేజ్ నిర్మిస్తున్న ఈ సినిమాలో చిరు సరసన కాజల్ అగర్వాల్ హీరోయిన్‌గా నటిస్తుండగా లక్ష్మీ రాయ్ ఓ స్పెషల్ సాంగ్ చేసిన విషయం తెలిసిందే.