Rajinikanth: సెన్సేషనల్ పోస్ట్ పెట్టిన రాఘవ లారెన్స్.. ఏం జరిగిందో

సెలబ్రిటీలు మీడియా ముందు ఆచి తూచి మాట్లాడాలి అని ఊరికే అనరు. ఏదో జోక్‌గా అన్నా కూడా అది ఎంత వరకు తీసుకెళ్తుందో ఎవ్వరూ ఊహించలేరు. ఇప్పుడు ప్రముఖ దర్శకుడు, కొరియోగ్రాఫర్ రాఘవ లారెన్స్‌కి కూడా ఇలాంటి పరిస్థితే ఎదురైనట్లుంది. రాఘవ ఫేస్‌బుక్‌లో తాజాగా ఓ సెన్సేషనల్ పోస్ట్ పెట్టారు. ఇక నుంచి సూపర్‌స్టార్ రజినీకాంత్ అనుమతి లేకుండా ఆయనకు సంబంధించిన ఎలాంటి ఆడియో ఫంక్షన్లకు హాజరుకానని ఆ పోస్ట్‌లో పెట్టారు.

సెలబ్రిటీలు మీడియా ముందు ఆచి తూచి మాట్లాడాలి అని ఊరికే అనరు. ఏదో జోక్‌గా అన్నా కూడా అది ఎంత వరకు తీసుకెళ్తుందో ఎవ్వరూ ఊహించలేరు. ఇప్పుడు ప్రముఖ దర్శకుడు, కొరియోగ్రాఫర్ రాఘవ లారెన్స్‌కి కూడా ఇలాంటి పరిస్థితే ఎదురైనట్లుంది. రాఘవ ఫేస్‌బుక్‌లో తాజాగా ఓ సెన్సేషనల్ పోస్ట్ పెట్టారు. ఇక నుంచి సూపర్‌స్టార్ రజినీకాంత్ అనుమతి లేకుండా ఆయనకు సంబంధించిన ఎలాంటి ఆడియో ఫంక్షన్లకు హాజరుకానని ఆ పోస్ట్‌లో పెట్టారు.

Samayam Telugu

రజినీ అనుమతి ఇస్తేనే

ఇకపై తాను ఎలాంటి ఆడియో ఫంక్షన్లకు తనంతట తానే హాజరుకానని రాఘవ ఫేస్‌బుక్ పోస్ట్‌లో పెట్టారు. ‘హాయ్ ఫ్రెండ్స్ అండ్ ఫ్యాన్స్. మీతో ఓ విషయం చెప్పాలనుకుంటున్నాను. ఇక నుంచి తలైవా సినిమాలకు సంబంధించిన ఎలాంటి ఫంక్షన్లకు నా అంతట నేను రాను. తలైవా అనుమతి ఇస్తేనే వస్తాను. నేను ఈ నిర్ణయం తీసుకోవడానికి చాలా కారణాలు ఉన్నాయి. కానీ మీతో చెప్పుకోవాలని అనుకోవడం లేదు. నాకు తలైవా ఆశీర్వాదాలు ఉంటే చాలు’ అని పోస్ట్‌లో పెట్టారు.

ఆయన కారణం కాదు

తాను సోషల్ మీడియాలో పెట్టే పోస్ట్‌లకు రజినీకాంత్‌కు ఎలాంటి సంబంధం లేదని ఈ సందర్భంగా రాఘవ తెలిపారు. ‘నేను సోషల్ మీడియాలో చేస్తున్న ట్వీట్స్, స్టేజ్‌లపై చేస్తు్న్న ప్రసంగాలకు రజినీకాంత్‌కు ఎలాంటి సంబంధం లేదు. ఇవన్నీ నా సొంతంగా చేస్తున్నవి. నేను ఇలా మాట్లాడటానికి కారణం తలైవా కాదు’ అని పేర్కొన్నారు.

వార్నింగ్స్ వచ్చుంటాయా

సూపర్‌స్టార్ రజినీకాంత్ నటించిన ‘దర్బార్’ సినిమా ఆడియో లాంచ్‌కు రాఘవ హాజరయ్యారు. ఈ సందర్భంగా తనకు రజినీ అంటే ఎంత అభిమానమో వివరించారు. ఇంతవరకు బాగానే ఉంది కానీ.. విలక్షణ నటుడు కమల్ హాసన్ అంటే తనకు అంతగా ఇష్టం లేదని పరోక్షంగా చెప్పారు. ‘నాకు రజినీకాంత్ అంటే చాలా ఇష్టం. చిన్నప్పుడు కమల్ హాసన్ నటించిన ఓ సినిమా పోస్టర్‌పై పేడ కొట్టాను’ అన్నారు. ఆయన సరదాగా ఈ విషయాన్ని పంచుకున్నప్పటికీ అది చాలా దూరం వెళ్లినట్లుంది. ఎందుకంటే సినిమాల పరంగా రజినీ, కమల్ మంచి స్నేహితులు. కానీ రాజకీయాల్లో వీరిద్దరూ ప్రత్యర్ధులు. దాంతో కమల్ హాసన్‌ను తక్కువ చేసి మాట్లాడావంటూ రాఘవకు అభిమానుల నుంచి బెదిరింపులు వచ్చి ఉంటాయని కోలీవుడ్ వర్గాలు అంటున్నాయి. అందుకే రాఘవ ఈ సంచలన నిర్ణయం తీసుకుని ఉంటారు.