పవన్ కల్యాణ్ కొడుకు పేరేంటి..?

పవన్ కల్యాణ్ కు సంబంధించిన ప్రతి విషయమూ ఆయన అభిమానులకు అపురూపమే. పవన్ కల్యాణ్ కుటుంబీకుల వ్యక్తిగత విషయాల్లో కూడా ఫ్యాన్స్ కామెంట్స్, అభిప్రాయాలు సోషల్ మీడియా వేదికగా వ్యక్తం అవుతూ వార్తల్లో నిలుస్తున్నాయి. ఇటీవల పవన్ కల్యాణ్ మాజీ భార్య రేణూదేశాయ్ రెండో పెళ్లి చేసుకునే ఆలోచనను వ్యక్తం చేయడంపై ఈ హీరో ఫ్యాన్స్ తీవ్రంగా స్పందించారు. ఆమె రెండో పెళ్లి చేసుకోవడం మంచిది కాదన్నట్టుగా కొంతమంది వ్యాఖ్యానించారు, దానిపై రేణూదేశాయ్ కూడా స్పందించారు.

పవన్ కల్యాణ్ మాజీ భార్య వ్యక్తిగత విషయాల్లోనే ఇంత ఆసక్తిని కనబరుస్తున్న ఫ్యాన్స్.. ఇప్పుడు పవన్ తనయుడి పేరు విషయంలో మరింత ఆసక్తిని వ్యక్తం చేస్తున్నారు. పవన్ తనయుడి పేరు ఏమవుతుంది? అనేది అభిమానుల మధ్య చర్చగా మారింది. పవన్ తనయుడి పేరు ‘కుశాల్ బాబు’ అనే ప్రచారం కూడా సోషల్ మీడియాలో జరుగుతుండటం విశేషం. అయితే అది అబద్ధమని స్పష్టం అవుతోంది.

పవన్ కల్యాణ్ కు- అన్నా కు కలిగిన ఈ పిల్లాడి పేరు బహుశా తెలుగు/హిందూ పేరు కాకపోవచ్చనే ప్రచారం జరుగుతోంది. అన్నాతో పవన్ కల్యాణ్ కు కలిగిన మొదటి పాప పేరును క్రిస్టియానిటీకి అనుగుణంగా పెట్టారు. పవన్ కూతురు పేరు ‘పొలెనా’. ఇప్పుడు పొలెనాకు తమ్ముడు పుట్టాడు. తనకు కూడా క్రిస్టియన్ సంప్రదాయానుసారమే పేరు ఉండవచ్చనే మాట వినిపిస్తోంది.

పవన్ కల్యాణ్ తన రెండో భార్య రేణూదేశాయ్ తో కలిగిన పిల్లలకు అఖిరానందన్, ఆద్య అని పేర్లు పెట్టుకున్నారు. మరి పవన్ రెండో తనయుడి పేరు ఏమవుతుందో!