RIP Superstar Krishna: ఓ శకం ముగిసింది.. కృష్ణ మృతిపై సినీ పరిశ్రమ సంతాపం

RIP Superstar Krishna: సూప‌ర్‌స్టార్‌ కృష్ణ (Superstar Krishna) అనారోగ్యంతో మంగ‌ళ‌వారం తెల్ల‌వారు జామున క‌న్నుమూశారు. న‌టుడిగానే కాకుండా నిర్మాత‌గా, ద‌ర్శ‌కుడిగా, స్టూడియో అధినేత‌గా తెలుగు సినీ ఇండ‌స్ట్రీలో ఆయ‌న చేసిన సేవ‌లు చిర‌స్మ‌ర‌ణీయం. ఎన్నో ఎక్స్‌పెరిమెంట్స్ చేసి డేరింగ్ డాషింగ్ పర్స‌న్‌గా పేరు తెచ్చున్నారు. రొటీన్‌కి భిన్నంగా వైవిధ్యమైన సినిమాలు చేస్తూ ప్రయోగాత్మక చిత్రాలతో తెలుగు సినీ ఇండ‌స్ట్రీపై ఉన్న‌త వ్య‌క్తిత్వంతో త‌న‌దైన ముద్ర వేశారు. అలాంటి గొప్ప వ్యక్తి మ‌ర‌ణం సినీ ఇండ‌స్ట్రీకి తీర‌నిలోటు. యావ‌త్ సినీ ప్ర‌పంచం కృష్ణ మ‌ర‌ణంపై సంతాపాన్ని వ్య‌క్తం చేస్తుంది. సోషల్ మీడియా వేదికగా సినీ సెలబ్రిటీలు, అభిమానులు, ప్రేక్షకులు అభిమాన కథానాయకుడి మరణంతో బాధను వ్యక్తం చేస్తున్నారు.