కలర్స్ స్వాతి ఎఫైర్‌పై క్లారిటీ ఇచ్చింది!

నా పేరు ముందు ఉన్న కలర్స్‌ను నన్ను టీజ్ చేయడానికే ఎక్కువగా ఉపయోగించారని ఆ ‘కలర్స్’ అనే పదాన్ని చాలా రకాలుగా అర్థాలతో ఉపయోగించి రకరకాల రూమర్స్ క్రియేట్ చేశారంటూ వాపోయింది కలర్స్ స్వాతి. ఇటీవల ‘లండన్ బాబులు’ మూవీ చిత్రంతో ప్రేక్షకుల ముందుకు వచ్చిన స్వాతి ఓ మీడియా సంస్థకు ఇచ్చిన ఇంటర్వ్యూలో ఆ మూవీ విశేషాలతో పాటు పర్సనల్ విషయాలను అభిమానులతో షేర్ చేసుకున్నారు స్వాతి.

సినిమా ఇండస్ట్రీ అనేది రంగుల ప్రపంచం అయినా అందులో హీరోయిన్ల పరిస్థితి మరీ దారుణం ఉంటుందన్నారు. ముఖ్యంగా హీరోయిన్లపై జనానికి ఉన్న అభిప్రాయం మారాలన్నారు. తాను ఇండస్ట్రీకి వచ్చిన కొత్తలో రకరకాల రూమర్స్ క్రియేట్ చేశారని అవి తనను చాలా బాధించాయన్నారు.

‘అష్టా చెమ్మా’ సినిమా టైంలో హీరో నానితో తనకు ఎఫైర్ ఉన్నట్లు చాలా రాతలు రాశారని.. అంతకు ముందు అల్లరి నరేష్‌తో రీసెంట్‌గా నిఖిల్‌తో ఎఫైర్ నడిపినట్లు రకరకాల వార్తలు రాశారని.. ఇలాంటి తప్పుడు రాతలు రాసేటప్పుడు ఆమెకు ఓ ఫ్యామిలీ ఉంటుంది. వాళ్లు బయట తిరగాలని ఆలోచించరా.. అంటూ ఆవేదన వ్యక్తం చేసింది స్వాతి.