‘ఖైదీ’గా వస్తున్న షకలక శంకర్

కమెడియన్ నుండి హీరోగా టర్న్ తీసుకుని షకలక శంకర్ స్పీడ్ పెంచారు. తన అభిమాన నటుడు మెగాస్టార్ చిరంజీవి మైల్ స్టోన్ మూవీ ‘ఖైదీ’ టైటిల్‌తో ప్రేక్షకుల ముందుకు వస్తున్నారు. శ్రీ భవాని ఫిలింస్‌ పతాకంపై జి.వరలక్ష్మి సమర్పణలో షకలక శంకర్‌ హీరోగా హనుమాన్‌ కృష్ణ ఈ చిత్రానికి దర్శకత్వం వహిస్తున్నారు.

శ్రీనివాసరావు గొలుసు నిర్మాతగా తెరకెక్కుతున్న ఈ చిత్ర షూటింగ్‌ను విజయదశమి నాడు ప్రారంభించనున్నారు.. ఇప్పటికే పాటల రికార్డింగ్‌ పూర్తి చేసుకుందీ చిత్రం. కామెడీ, యాక్షన్‌ ఎంటర్‌టైనర్‌గా రూపొందుతున్న ఈ చిత్రం గురించి నిర్మాత శ్రీనివాసరావు గొలుసు మాట్లాడుతూ...‘చిరంజీవి గారి కెరీర్‌ని మలుపు తిప్పిన చిత్రం ‘ఖైదీ’ . అలాంటి గొప్ప సినిమా టైటిల్‌‌తో ఆ సినిమాకు ఏమాత్రం చెడ్డ పేరు తేకుండా షకలక శంకర్‌ హీరోగా ‘ఖైదీ’ చిత్రాన్ని నిర్మిస్తున్నాం. కామెడీ, యాక్షన్‌ ఎంటర్‌టైనర్‌గా మా దర్శకుడు ఈ చిత్రాన్ని అన్ని వర్గాల ప్రేక్షకులకు నచ్చే విధంగా రూపొందిస్తున్నారు. దసరా సందర్భంగా సినిమా షూటింగ్‌ గ్రాండ్‌గా ప్రారంభించనున్నాం’’ అన్నారు.