Controversy Choreographer Rakesh Master Police Complaint Against Sri Reddy And Ntr Fans
Jr Ntr: ఎన్టీఆర్ ఫ్యాన్స్ చంపేస్తాం అంటున్నారు.. పోలీస్ స్టేషన్కి డాన్స్ మాస్టర్
నోరు మంచిదైతే ఊరు మంచిది అవుతుందని పెద్దలు ఊరికే చెప్పారా?.. నోరు ఉంది కదా అని నోటికొచ్చినట్టు మాట్లాడితే ఇదిగో పరిస్థితి పోలీస్ స్టేషన్ వరకూ వెళ్తుంది. గత కొన్నాళ్లుగా యూట్యూబ్లో ఛానల్లో నోటికొచ్చినట్టు మాట్లాడుతూ వివాదాలు రాజేస్తున్న వివాదాస్పద కొరియోగ్రాఫర్ రాకేష్ మాస్టర్ను చంపేస్తాం అంటూ బెదిరింపులు రావడంతో నన్ను రక్షించండి బాబోయ్ అంటూ బంజారా హిల్స్పోలీస్ స్టేషన్లో ఫిర్యాదు చేశారు రాకేష్ మాస్టర్. ఆ వివరాల్లోకి వెళ్తే..
Samayam Telugu29 Feb 2020, 6:41 pm
నోరు మంచిదైతే ఊరు మంచిది అవుతుందని పెద్దలు ఊరికే చెప్పారా?.. నోరు ఉంది కదా అని నోటికొచ్చినట్టు మాట్లాడితే ఇదిగో పరిస్థితి పోలీస్ స్టేషన్ వరకూ వెళ్తుంది. గత కొన్నాళ్లుగా యూట్యూబ్లో ఛానల్లో నోటికొచ్చినట్టు మాట్లాడుతూ వివాదాలు రాజేస్తున్న వివాదాస్పద కొరియోగ్రాఫర్ రాకేష్ మాస్టర్ను చంపేస్తాం అంటూ బెదిరింపులు రావడంతో నన్ను రక్షించండి బాబోయ్ అంటూ బంజారా హిల్స్పోలీస్ స్టేషన్లో ఫిర్యాదు చేశారు రాకేష్ మాస్టర్. ఆ వివరాల్లోకి వెళ్తే..
శ్రీరెడ్డిపైనే కాదు.. స్టార్ హీరోలపైనా దారుణమైన కామెంట్స్
40 ఇయర్స్ ఇండస్ట్రీ.. 1500పైగా సాంగ్స్ని కంపోజ్ చేసిన రాకేష్ మాస్టర్... అలియాస్ రామారావు ఆ మధ్య కాలంలో స్టార్ కొరియోగ్రాఫర్, తన శిష్యుడు శేఖర్ మాస్టర్పై వివాదాస్పద వ్యాఖ్యలతో పాపులర్ అయ్యారు. అనంతరం ఈ మధ్య కాలంలో వివాదస్పదనటి శ్రీరెడ్డి, ఎన్టీఆర్, బాలయ్య, మోహన్ బాబు, చిరంజీవి, మంచు లక్ష్మిలను టార్గెట్ చేస్తూ షాకింగ్ కామెంట్స్ చేశారు రాకేష్ మాస్టర్.
శ్రీరెడ్డిపై పర్శనల్ ఎటాక్
ఈ ఇంటర్వ్యూలలో శ్రీరెడ్డి బండారం మొత్తం బయటపెట్టేస్తూ.. ఆమె ఎవరెవరితో ఎఫైర్స్ పెట్టుకుంది? ఆమె ఆస్తులు, పుట్టుక, పేరెంట్స్, సినిమాలు, హైదరాబాద్ను ఎందుకు వదిలేసింది? చెన్నైలో ఏం చేస్తుంది? తదితర విషయాలపై బూతుల పంచాంగం విప్పి వివాదాన్ని రాజేశారు. అసలే శ్రీరెడ్డి ఫైర్ బ్రాండ్.. ఎవరో ఏదో చేస్తేనే ఓ రేంజ్లో ఫైర్ అవుతూ ఉంటుంది. అలాంటిది తనను పర్శనల్గా టార్గెట్ చేస్తే ఊరుకుంటుందా? రాకేష్ మాస్టర్ను ఏకిపారేసింది.
రాకేష్ మాస్టర్కి చుక్కలు చూపిస్తున్న శ్రీరెడ్డి
రాకేష్ మాస్టర్ని బండబూతులు తిడుతూ రాకేష్ మాస్టర్ వ్యాఖ్యలు ఘాటుగా తనదైన శైలిలో తిప్పికొట్టింది. అంతేకాదు హైదరాబాద్ వదిలి.. చెన్నై వచ్చి తన బతుకు తాను బతుకుతుంటుంటే అనవసరంగా తన బతుకును బజారుకి ఈడుస్తున్నారంటూ శ్రీరెడ్డి.. రాకేష్ మాస్టర్పై చెన్నై పోలీసులకు కంప్లైంట్ చేసినట్టు చెప్పింది. ఇక్కడితో తన పోరాటం ఆగలేదని.. కుదురుగా నా పని నేను చేసుకుంటుంటే నన్ను రెచ్చగొట్టిన రాకేష్ మాస్టర్కి చుక్కలు చూపిస్తా అంటూ బహిరంగంగానే హెచ్చరించింది శ్రీరెడ్డి.
దీంతో అలర్ట్ అయిన రాకేష్ మాస్టర్.. శనివారం నాడు హైదరాబాద్ బంజారాహిల్స్ పోలీస్ స్టేషన్లో ఫిర్యాదు చేశాడు. శ్రీరెడ్డి తనను చంపేస్తా సోషల్ మీడియా ద్వారా బెదిస్తోందని.. ఆమె అనుచరులతో ఫోన్లు చేయిస్తోందని ఆ ఆడియో రికార్డుల్ని పోలీసులకు సమర్పించి శ్రీరెడ్డిపై ఫిర్యాదు చేశారు రాకేష్ మాస్టర్. తనను బెదిరించడమే కాకుండా చెన్నైలో తనపై తప్పుడు పోలీస్ కేసు పెట్టినట్టుగా చెప్తుందని అక్కడి పోలీసులతో తనను తన్నిస్తానని హెచ్చరిస్తోందంటూ ఆ వీడియోలను పోలీసులకు అందచేశారు రాకేష్ మాస్టర్.
కేసు వెనక్కి తీసుకోకపోతే.. లేచిపోతావ్
తనను కించపరిచే విధంగా మాట్లాడిన శ్రీరెడ్డిపై ఇటీవల తాను సీసీఎస్ సైబర్ క్రైబర్ క్రైమ్ పోలీస్ స్టేషన్లో ఫిర్యాదు చేశానని ఆ కేసు వెనక్కి తీసుకోకపోతే చంపేస్తా అని శ్రీరెడ్డి బెదిరిస్తోందన్నారు రాకేష్ మాస్టర్. లైవ్ డిబేట్లో తనను అసభ్యకరమైన రీతో దూషించిందుకు పోలీసులకు ఫిర్యాదు చేశానని ఆ కేసుకి భయపడి తనను లేపేస్తా అంటూ బెదిరిస్తోందని.. ఈ కేసుకు కౌంటర్గా తనపై తప్పుడు కేసులు పెట్టే ప్రయత్నం చేస్తుందంటూ పోలీసులకు ఇచ్చిన ఫిర్యాదులో పేర్కొన్నారు రాకేష్ మాస్టర్.
ఎన్టీఆర్ ఫ్యాన్స్ చంపేస్తాం అంటున్నారు: రాకేష్ మాస్టర్
అలాగే శ్రీరెడ్డితో పాటు జూనియర్ ఎన్టీఆర్, నందమూరి హీరోల అభిమానులు తనను చంపేస్తాం అని బెదిరిస్తున్నారంటూ ఫిర్యాదులో పేర్కొన్నారు రాకేష్ మాస్టర్. ఇటీవల ఓ యూట్యూబ్ ఛానల్ ఇంటర్వ్యూలో తాను చేసిన వ్యాఖ్యల్ని ఎన్టీఆర్ ఫ్యాన్స్ అపార్ధం చేసుకుని తనను చంపేస్తాం అని బెదిరిస్తున్నారన్నారు రాకేష్ మాస్టర్. జూనియర్ ఎన్టీఆర్ ఫ్యాన్స్ అసోసియేషన్ పేరుతో వందల మంది ఫోన్లు చేసి నిన్న చంపేస్తాం అని అసభ్యకర రీతిలో బూతులు తిడుతున్నారంటూ వారి నుండి నాకు ప్రాణహాని ఉండటంతో రక్షించాలని పోలీసులకు ఫిర్యాదు చేశారు రాకేష్ మాస్టర్.
రీసెంట్గా ఎన్టీఆర్, బాలయ్యలపై రాకేష్ మాస్టర్ చేసిన నీచమైన కామెంట్స్ ఇవే..
మద్రాస్లో బజల్ లాల్ స్ట్రీట్లో ఉన్న నందమూరి తారకరామారావు ఇంటి గురించి నందమూరి హీరోలు ఆలోచించరా అంటూ నోరు పారేసుకున్నారు రాకేష్ మాస్టర్. వీళ్లు కడుకపుకి అన్నం తింటున్నారా? గడ్డి తింటున్నారా? అంటూ ఓ రేంజ్లో ఫైర్ అయ్యారు. ఒక్క కొడుకైనా ఆ ఇంటిని శుభ్రం చేసి ఒక మ్యూజియంలా చేద్దాం అని ఆలోచించారా? ఇన్ని కోట్లు ఆస్తి సంపాదించారు ఏమి ఉపయోగం అంటూ మండి పడ్డారు రాకేష్ మాస్టర్.
బాలయ్యను బెబ్బెబ్బే అంటూ ఎగతాళి..
బాలయ్య మాట్లాడితే.. ‘ఆ రోజుల్లో నాన్నగారు.. అంటూ మొదలుపెట్టి బెబ్బెబ్బే అంటాడు.. సిగ్గు ఉండాలి ఆయనకు. ఏం బెబ్బెబ్బే రాబాబూ.. అసలు మీ నాన్నకు ఏం చేశావ్. ఆయనకు నటనలో శిఖరం లాంటి వాడు. ఆయనకు ఎన్ని షీల్డులు ఉన్నాయి. ఆయన జ్ఞాపకంగా ఆ ఇంటిని ఓ మ్యూజియం చేయొచ్చుగా. నువ్ కొడుకువే కదా అంటూ బాలయ్యపై మాటల దాడి చేశారు రాకేష్ మాస్టర్.
ఎన్టీఆర్ని వదలని రాకేష్ మాస్టర్.. తాత సమాధి డ్రామా అంటూ..
ఇక ఎన్టీఆర్ను టార్గెట్ చేస్తూ.. ఇటీవల ఎన్టీఆర్ తన తాత సమాధిపై ఎవరో ఎక్కితే ఆయన రియాక్ట్ అయినదాన్ని కూడా అపహాస్యం చేస్తూ దారుణమైన వ్యాఖ్యలు చేశారు రాకేష్ మాస్టర్. ఎన్టీఆర్కి తన తాత సంవత్సరానికి ఒకసారి మాత్రమే గుర్తుకు వస్తాడని.. ఆరోజు సమాధి దగ్గరకు వెళ్లి తెగ నటించేస్తాడన్నారు. ‘ఏయ్ మా తాత సమాధిపైకి ఎక్కుతావా? పైకి ఎక్కొద్దు నువ్..’ అంటూ బిల్డప్ ఇవ్వడమే తప్ప తాతకోసం ఈయనేం చేశాడు అంటూ నోటికొచ్చినట్టు మాట్లాడారు రాకేష్ మాస్టర్.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.