Rashmika Mandanna నెక్ట్స్ మూవీపై అప్‌డేట్.. హ్యాట్రిక్‌పై కన్నేసిన బ్యూటీ!

నేషనల్ క్రష్ రష్మిక మందన (National Crush Rashmika Mandanna) వరుస సినిమాలతో దూసుకెళ్తోంది. ఇటీవల తమిళ్ హీరో విజయ్‌తో కలిసి ఆమె నటించిన వారీసు సినిమా సంక్రాంతికి రిలీజైంది. తెలుగులో వారసుడు పేరుతో రిలీజైన ఈ మూవీ వారం వ్యవధిలోనే ప్రపంచవ్యాప్తంగా రూ.200 కోట్లకి పైగా వసూళ్లని రాబట్టింది. ఫ్యామిలీ ఎంటర్‌టైనర్‌గా వచ్చిన ఈ మూవీలో రష్మిక పాత్ర చాలా పరిమితం. కానీ.. స్క్రీన్‌పై కనిపించినంత సేపు ప్లెజంట్‌గా అనిపించింది. ఈ మూవీకి వంశీ పైడిపల్లి దర్శకత్వం వహించగా.. దిల్ రాజు ప్రొడ్యూసర్. పుష్ప సినిమాతో పాన్ ఇండియా రేంజ్‌కి ఎదిగిపోయిన రష్మిక మందన (Rashmika Mandanna).. సిద్ధార్థ మల్హోత్రాతో కలిసి మిషన్ మజ్ను మూవీలో నటించింది. ఈ సినిమా శుక్రవారం (జనవరి 20) నేరుగా ఓటీటీలో రిలీజైంది. అలానే సందీప్ రెడ్డి వంగ దర్శకత్వంలో రణబీర్ కపూర్‌తో ఓ సినిమాలో నటిస్తున్న రష్మిక మందన.. అల్లు అర్జున్‌తో కలిసి పుష్ప మూవీ సీక్వెల్ ‘పుష్ప: ది రూల్’లో కూడా యాక్ట్ చేస్తోంది. ఈ రెండు మూవీలు చేతిలో ఉండగానే తాజాగా ఆమె నెక్ట్స్ ప్రాజెక్ట్‌పై క్రేజీ అప్‌డేట్ వెలుగులోకి వచ్చింది.

Jr NTR: ఆస్కార్ రేసులో ఎన్టీఆర్‌కు అగ్రస్థానం.. టాప్-10 లిస్ట్ ప్రకటించిన మరో యూఎస్ వార్తా సంస్థ
తెలుగులో తనని పరిచయం చేసిన వెంకీ కుడుముల (Venky Kudumula) దర్శకత్వంలో రష్మిక మందన ఒక సినిమా చేయనుందట. 2018లో రిలీజైన ఈ మూవీలో నాగశౌర్యకి జోడీగా రష్మిక మందన నటించింది. ఈ సినిమా హిట్ అవడంతో ఆ తర్వాత వరుస అవకాశాలు చేజిక్కించుకున్న ఈ బ్యూటీ.. పుష్ప మూవీతో నేషనల్ క్రష్‌గా మారిపోయింది. మధ్యలో వెంకీ కుడుములతో భీష్మ సినిమాలో కూడా రష్మిక మందన యాక్ట్ చేసింది. నితిన్ హీరోగా చేసిన ఈ మూవీ కూడా హిట్ అయ్యింది.

Rajamouli: డబ్బు కోసమే సినిమాలు చేస్తున్నా.. రాజమౌళి కామెంట్స్ వైరల్
ఇటీవల రష్మిక మందనని కలిసిన డైరెక్టర్ వెంకీ కుడుముల కథ చెప్పగా.. మూవీ చేసేందుకు ఆమె కూడా గ్రీన్ సిగ్నల్ ఇచ్చినట్లు టాలీవుడ్‌లో టాక్ నడుస్తోంది. మార్చిలో సెట్స్‌పైకి వెళ్లబోతున్న ఈ మూవీలో హీరోగా నితిన్ నటించబోతున్నాడని.. మైత్రీ మూవీ మేకర్స్ ఈ సినిమాని నిర్మించబోతున్నట్లు వార్తలు వస్తున్నాయి. ఇప్పటికే ఛలో, భీష్మతో హిట్ అందుకున్న రష్మిక మందన- వెంకీ కుడుముల కాంబినేషన్ హ్యాట్రిక్ కొడుతుందేమో చూడాలి.