రూ. 200 కోట్ల దిశగా ‘దంగల్’ పరుగు

ఆమిర్ ఖాన్ ప్రధాన పాత్రలో నటించిన స్పోర్ట్స్ డ్రామా ‘దంగల్’ బాక్సాఫీసు వద్ద రూ. 200 కోట్ల క్లబ్ దిశగా దూసుకుపోతోంది. ఆరోరోజు బుధవారం రూ. 21.20 కోట్లు వసూలు చేసిన ‘దంగల్’ ఖాతాలో ఇప్పటి వరకు రూ. 176.98 కోట్లు వచ్చి చేరాయి. వారాంతరంలో థియేటర్లలో ప్రేక్షకుల సంఖ్య ఎలానూ పెరుగుతుంది కాబట్టి మరో రెండు రోజుల్లో ఈ సినిమా రూ. 200 కోట్లను దాటేస్తుంది.

కామన్‌వెల్త్ గేమ్స్‌లో పతకాలు సాధించిన మహిళా రెజ్లర్లు గీతా ఫోగట్, బబిత ఫోగట్ తండ్రి, మల్లయోధుడు మహవీర్ ఫోగట్ జీవిత చరిత్ర ఆధారంగా ‘దంగల్’ తెరకెక్కింది. నితీష్ తివారీ దర్శకత్వం వహించారు. ఫాతిమా సనా షేక్, సన్య మల్హోత్రా గీతా, బబిత పాత్రలను పోషించారు. క్రిస్మస్ సందర్భంగా విడుదలైన ఈ సినిమాకు మంచి స్పందన లభిస్తోంది.

రోజువారీ ‘దంగల్’ వసూళ్లు
తొలిరోజు (డిసెంబర్ 23) - రూ. 29.78 కోట్లు
రెండోరోజు (డిసెంబర్ 24) - రూ. 34.82 కోట్లు
మూడోరోజు (డిసెంబర్ 25) - రూ. 42.41 కోట్లు
నాలుగోరోజు (డిసెంబర్ 26) - రూ. 25.69 కోట్లు
ఐదోరోజు (డిసెంబర్ 27) - రూ. 23.09 కోట్లు
ఆరోరోజు (డిసెంబర్ 28) - రూ. 21.20 కోట్లు