విదేశాల్లోనూ ‘దంగల్’ కలెక్షన్స్ అదుర్స్!

క్రిస్మస్ సందర్భంగా విడుదలైన బాలీవుడ్ స్టార్ హీరో ఆమిర్ ఖాన్ సినిమా ‘దంగల్’ బాక్సీఫీసు వద్ద భారీ కలెక్షన్లు రాబడుతోంది. దేశంలోనే కాకుండా అంతర్జాతీయ బాక్సీఫీసు వద్ద కూడా సత్తా చాటుతోంది. విడుదలైన నాలుగు రోజుల్లోనే విదేశాల్లో రూ. 76.16 కోట్లు వసూలు చేయడమే దీనికి నిదర్శనం. ప్రపంచ వ్యాప్తంగా ‘దంగల్’ సాధించిన అద్భుత విజయం ఫిల్మ్‌మేకర్లు ఇలాంటి ప్రయోగాత్మక సినిమాలు మరిన్ని నిర్మించడానికి ఊతమిచ్చినట్లయింది.

నితీష్ తివారీ దర్శకత్వం వహించిన ఈ స్పోర్ట్స్ డ్రామా.. దేశంలో ఇప్పటి వరకు రూ. 132.43 కోట్లు వసూలు చేసింది. సినిమా విడుదలైన తొలి వారం రోజుల లోపే ‘దంగల్’ రూ. 100 కోట్ల క్లబ్‌లో చేరడం విశేషం. కామన్‌వెల్త గేమ్స్‌లో పతకాలు సాధించిన గీతా ఫోగట్, బబిత ఫోగట్ తండ్రి మహవీర్ సింగ్ ఫోగట్ జీవితం ఆధారంగా ‘దంగల్’ సినిమా తెరకెక్కింది.