జై, స్పైడర్, మహానుభావుడు.. వసూళ్ల లెక్కలివే!

దసరా సినిమాలు కీలక ఘట్టాన్ని ముగించుకున్నాయి. దేశీయంగా వీటిపై కలెక్షన్ల వర్షం కురిసే సమయం దాదాపు ముగిసినట్టే. ఒకవేళ లాంగ్ రన్ సాగి.. సాధించుకునే వసూళ్లు ఎలా ఉంటాయో తెలియదు కానీ, ప్రస్తుతానికి నిన్నటి వీకెండ్ తో వీటి వసూళ్ల ప్రవాహాంలో ఫ్లో పూర్తి అయినట్టే. ఈ నేపథ్యంలో ఈ సినిమాల యూఎస్ వసూళ్ల వివరాలను ట్వీట్ చేశాడు ట్రేడ్ ఎనలిస్టు తరణ్ ఆదర్శ్.

దసరా సీజన్ లో విడుదల అయిన జై లవకుశ, స్పైడర్, మహానుభావుడు.. ఈ మూడు సినిమాల మొత్తం వసూళ్ల లెక్కలను ఆయన వివరించాడు. తరణ్ లెక్కల ప్రకారం.. ముందుగా విడుదల అయిన ‘జై లవకుశ’ యూఎస్ లో వన్ అండ్ హాఫ్ మిలియన్ మార్కును దాటేసింది. దాదాపు పది కోట్ల రూపాయల వసూళ్లను సాధించుకుంది ఎన్టీఆర్ సినిమా. ఆదివారంతో యూఎస్‌లో ఈ సినిమా 15,26,700 డాలర్ల (రూ.10 కోట్లు)వసూళ్లను సాధించింది.

ఇక స్పైడర్ 14,58,411 డాలర్ల (రూ. 9.55 కోట్లు) వసూళ్ల ను సాధించింది. వన్ అండ్ హాఫ్ మిలియన్ మార్కుకు దాదాపు చేరువైంది ఈ సినిమా. ఇక జై, స్పైడర్ లతో పోలిస్తే చిన్న సినిమా అయిన మహానుభావుడు మాత్రం పాజిటివ్ టాక్ తో దూసుకుపోతోంది. నిన్నటి వీకెండ్ లో ఈ సినిమా మంచి వసూళ్లను రాబట్టుకుంది. ఓవరాల్ గా ఆదివారానికి అర మిలియన్ మార్కును అందుకుంది. 5,13,616 (రూ. 3.36 కోట్లు) వసూళ్లను సాధించింది ఈ సినిమా. ఈ వసూళ్ల జోష్ ను బట్టి చూస్తే.. శర్వానంద్ కెరీర్ లో మరో హిట్ యాడ్ అయినట్టే.