ఆస్పత్రి నుంచి దాసరి డిశ్చార్జ్

దర్శకరత్న దాసరి నారాయణ రావు ఇవాళ కిమ్స్ ఆస్పత్రి నుంచి డిశ్చార్జ్ అయ్యారు. శ్వాసకోశ సంబంధిత వ్యాధులతో తీవ్ర అస్వస్థతకి గురైన దాసరి నారాయణ రావు జనవరి 29న కిమ్స్ ఆస్పత్రిలో చేరారు. అప్పటి నుంచీ నిపుణుల పర్యవేక్షణలో ఆస్పత్రిలోనే చికిత్స పొందుతూ వచ్చారు దాసరి.

ఆస్పత్రిలో చేరిన మొదటి రెండురోజుల్లోనే శస్త్ర చికిత్స సహాయంతో శరీరంలోని ఇన్‌ఫెక్షన్స్‌ని తొలగించినప్పటికీ... పూర్తి ఆరోగ్యంగా కోలుకోవడానికి ఆయనకి రెండు నెలలు పట్టింది. ఎట్టకేలకి దాసరి పూర్తి ఆరోగ్యంగా వున్నారని నిర్ణారించుకున్న ఆస్పత్రి వైద్యులు ఇవాళ సాయంత్రం ఆస్పత్రి నుంచి డిశ్చార్జ్ చేసినట్టు తెలుస్తోంది.