బీచ్‌లో చీరకట్టుకోవాలా? విప్పితే మీకేంటి నష్టం!

ఎలాంటి విషయాన్నైనా ముక్కుసూటిగా కుండబద్దలగొట్టినట్లు మాట్లాడుతూ తరచూ వార్తల్లో నిలిచే రాధికా ఆప్టే మరోసారి హాట్ కామెంట్స్‌తో వార్తల్లో నిలిచారు. తాను వేసుకున్న దుస్తుల విషయంలో అసభ్యకరంగా కామెంట్లు చేస్తున్న నెటిజన్లపై ఆగ్రహం వ్యక్తం చేశారామె. ఇటీవల తన భర్తతో కలిసి ఏకాంతంగా గడిపేందుకు గోవా బీచ్‌కి వెళ్లింది ఈ సుందరి. అక్కడ బీచ్‌లో బికినీ ధరించి తన భర్తతో కలిసి ఎంజాయ్ చేస్తున్న ఫోటోలను సోషల్ మీడియాలో షేర్ చేసింది. ఈ ఫోటోలు సోషల్ మీడియాలో వైరల్ కాగా.. ఆమె ధరించిన దుస్తుల విషయంలో చాలా మంది నెగిటివ్ కామెంట్స్ చేయడంతో తనదైలిలో స్పందించారు రాధికా ఆప్టే.

నేను వేసుకున్న దుస్తులపై పిచ్చి కామెంట్లు పెట్టేవాళ్ల గురించి పట్టించుకోవల్సిన అవసరం లేదు. వాళ్లెవరో నాకు తెలియదు. ఇదో చెత్త విషయం. అయినా బీచ్‌తో నా భర్తతో కలిసి వెళితే అభ్యతరం ఏంటి? బీచ్‌లో నాకు సౌకర్య వంతంగా ఉండే బట్టలు వేసుకుంటా.. అది నా ఇష్టం. బీచ్‌లో చీరలు కట్టుకోమని సలహా ఇచ్చే వారి గురించి నేను మాట్లాడాల్సిన అవసరం లేదంటూ ఘాటుగా స్పందించారు ఆప్టే.

ఇక ఈమె నటించిన ‘ప్యాడ్‌మ్యాన్‌’ చిత్రంపై రాస్తున్న రివ్యూలను తాను చదవలేదని.. ఈ మూవీ ప్రేక్షకులకు నచ్చిందనే విషయం తనకు అర్థమైందన్నారామె. రాధికా ఆప్టే తెలుగులో బాలయ్య సరసన ‘లెజెండ్‌’, ‘లయన్‌’ చిత్రాల్లో నటించి మెప్పించిన విషయం తెలిసిందే.