రణబీర్ తప్పుని క్షమించలేకపోయా: దీపికా

బాలీవుడ్ ముద్దుగుమ్మ దీపికా పదుకొణె త్వరలోనే రణవీర్ సింగ్‌‌ని పెళ్లి చేసుకోబోతున్నట్లు కుప్పలుతెప్పలుగా వార్తలు వస్తున్నాయి. గత కొంతకాలంగా రణవీర్ సింగ్‌తో చక్కర్లు కొడుతున్న దీపికా గతంలో రణబీర్ కపూర్‌తో కూడా ప్రేమాయణం నడిపిన విషయం తెలిసిందే. అప్పట్లో వీరిద్దరూ పెళ్లి చేసుకోనున్నట్లు గాసిప్స్ వచ్చాయి. కానీ.. రణబీర్‌ మోసం చేశాడంటూ అకస్మాతుగా బ్రేకప్ చెప్పిన దీపికా.. అప్పట్లో కొన్ని రోజులు డిప్రెషన్‌లోకి కూడా వెళ్లిపోయింది. అయితే.. ఆ బ్రేకప్‌‌కి కారణం మాత్రం స్పష్టంగా చెప్పలేదు. తాజాగా మీడియాతో దీపికా మాట్లాడుతూ.. రణబీర్‌తో ప్రేమ విషయాల్ని వెల్లడించింది.

‘రిలేషన్‌షిప్‌లో ఉన్నప్పుడు నేను నిజాయతీతో వ్యవహరించాను. ఎప్పుడూ మోసం చేయలేదు. కానీ.. రణబీర్ కపూర్ నన్ను మోసం చేశాడు. అయినప్పటికీ అతనికి నేను మరో అవకాశం ఇచ్చాను. కానీ.. అది ఎంత తెలివి తక్కువ నిర్ణయమో నాకు తర్వాత తెలిసింది. అతను తప్పు చేస్తూ రెడ్ హ్యాండెడ్‌గా నాకు దొరికిపోయాడు. ఆ తర్వాత నేను మరో అవకాశం ఇవ్వదలుచుకోలేదు. సెక్స్ అనేది కేవలం శరీరానికి సంబంధించింది కాదు.. అందులో చాలా ఎమోషన్స్‌ మిళితమై ఉంటాయి. బ్రేకప్ చెప్పిన తర్వాత చాలా రోజులు ఏడ్చాను’ అని దీపికా పదుకొణె వెల్లడించింది.