కబాలి సినిమాలోంచి డిలీట్ చేసిన సీన్స్ ఇవే!

2016లో యావత్ సౌతిండియా ఆడియెన్స్‌ను షేక్ చేసిన మూవీ కబాలి. దేశంలో ఇంతకుముందెప్పుడూ లేని విధంగా ప్రమోట్ అయిన సినిమా కూడా ఇదే. యువ దర్శకుడు పా రంజిత్ డైరెక్ట్ చేసిన ఈ సినిమాలో సూపర్ స్టార్ రజినీకాంత్ సరసన రాధికా ఆప్టే ఫీమేల్ లీడ్ రోల్ పోషించింది. డాన్ పాత్రలో రజినీకాంత్ ఇచ్చిన ఎంట్రీ, లుక్కుకి ఆడియెన్స్‌లో భారీ రెస్పాన్స్ వచ్చింది.

సౌతిండియాలోనే కాకుండా థాయిలాండ్, చైనా, జపాన్ లాంటి దేశాల్లోనూ భారీ ఫ్యాన్ ఫాలోయింగ్ కలిగిన రజినీ గత చిత్రాలకు కూడా రానంత భారీ రెస్పాన్స్ ఈ సినిమాకు రావడం విశేషం. కబాలి చిత్రానికి ఆడియెన్స్ నుంచి వచ్చిన స్పందనను దృష్టిలో పెట్టుకున్న మూవీ మేకర్స్ గతంలో ఈ చిత్రంలోంచి తొలగించిన కొన్ని సన్నివేశాలను యూట్యూబ్ ద్వారా విడుదల చేశారు. ఇంతకుముందు చూడని వీడియోలు కావడంతో రజినీ ఫ్యాన్స్ నుంచి ఈ వీడియోలకు కూడా మంచి రెస్పాన్స్ వస్తోంది.