Prabhas: ప్రభాస్‌కు ప్రత్యేక ఆహ్వానం.. 'ఆదిపురుష్'కు అరుదైన గౌరవం

పాన్ ఇండియా స్టార్ ప్రభాస్ (Prabhas)కు అరుదైన ఆహ్వానం అందింది. ఢిల్లీలో రామ్‌ లీలా మైదానంలో దసరా పర్వదినం రోజు జరిగే రావణదహనం కార్యక్రమానికి హాజరు కావాలని రామ్‌ లీలా కమిటీ సభ్యులు ఆహ్వానం పంపించారు. దసరా ఉత్సవాలకు ప్రభాస్‌ను విశిష్ట అతిథిగా హాజరుకావాలని వారు కోరారు. వారి ఆహ్వానం మేరకు ప్రభాస్‌కు ఈ కార్యక్రమానికి హాజరు కావాలని నిర్ణయించుకున్నట్లు తెలిసింది.

ప్రభాస్ హీరోగా ఆదిపురుష్ (Adipurush) మూవీ తెరకెక్కుతున్న సంగతి తెలిసిందే. బాలీవుడ్ డైరెక్టర్ ఓం రౌత్ దర్శకత్వంలో పౌరాణిక గాథ రామాయణం ఆధారంగా రూపొందుతోంది. ఈ మూవీలో శ్రీరాముడిగా ప్రభాస్ యాక్ట్ చేస్తున్నాడు. సీతగా బాలీవుడ్ బ్యూటీ కృతి సనన్, రావణుడిగా సైఫ్ అలీఖాన్, లక్ష్మణుడి పాత్రలో బాలీవుడ్ నటుడు సన్నీ సింగ్ నటిస్తున్నారు. దాదాపు రూ.300 కోట్ల బడ్జెట్‌తో ఆదిపురుష్ మూవీని నిర్మించారు. ఐదు భాషల్లో ఈ సినిమాను ఆడియన్స్ ముందుకు తీసుకువస్తున్నా మూవీ మేకర్స్. అబ్బురపరిచే విజువల్ ఎఫెక్ట్స్‌తో ఆదిపురుష్ అద్భుతంగా డిజైన్ చేసినట్లు తెలుస్తోంది.

బాహుబలి మూవీతో పాన్ ఇండియా లెవల్లో ప్రభాస్‌కు భారీ క్రేజ్ ఏర్పడింది. ఇక ఆదిపురుష్ సినిమాలో శ్రీరాముడి పాత్రను పోషిస్తుండడంతో భారీగా అంచనాలు పెరిగిపోయాయి. ఈ నేపథ్యంలోనే రావణసురుడి దహన కార్యక్రమానికి కమిటీ సభ్యులు ఆహ్వానించారు. ప్రస్తుతం తన పెదనాన్న కృష్ణంరాజు (Krishnam Raju) మృతితో పుట్టెడు దు:ఖంలో ఉన్నాడు ప్రభాస్. కృష్ణంరాజు మరణానికి ముందే ఆహ్వానం అందింది. ప్రస్తుత పరిస్థితుల్లో ఈ వేడుకలకు హాజరవుతాడో లేదో అనేది సందేహాంగా మారింది. గతంలో అజయ్ దేవగన్, జాన్ అబ్రహం వంటి నటులు రావణ దహనం కార్యక్రమానికి హాజరు కాగా.. ఈ ఏడాది ప్రభాస్‌కు ఆహ్వానం అందడంతో డార్లింగ్ ఫ్యాన్స్ హర్షం వ్యక్తం చేస్తున్నారు.