వంద కోట్ల హీరోయిన్.. రెమ్యూనరేషన్ ఎంతో తెలీదట

సినిమా హిట్టయితే చాలు నటీనటులు రెమ్యూనరేషన్ పెంచడం సాధారణమే. కానీ ‘రాజి’తో మూడోసారి వంద కోట్ల క్లబ్‌లో చేరిన అలియా భట్ మాత్రం పారితోషికం పెంచడం లేదట. ఆమె పారితోషకం పెంచబోతుందని ఇటీవల రూమర్లు వచ్చాయి. కానీ అవేమీ నిజం కాదని ఆమె క్లోజ్ ఫ్రెండ్ ఒకరు చెప్పారు. ఇప్పటి వరకూ అలియా ఆ దిశగా ఆలోచించలేదని తను చెప్పారు.

అంతే కాదు.. అలియాకు సంపాదన గురించి ఆలోచనే లేదట. అందరూ డబ్బు పోగేసుకోవడానికి ఆరాట పడుతుంటే.. ఈ అమ్మడికి మాత్రం అవేమీ పట్టవట. అంతెందుకు ఒక సినిమా చేస్తే తనకెంత పారితోషికం వస్తుందో కూడా అలియాకు తెలీదట. రెమ్యూనరేషన్ వ్యవహారాలను వాళ్ల అమ్మ, మేనేజర్ చూసుకుంటారట.

సక్సెస్ తర్వాత పారితోషికం పెంచడం సాధారణమే కదా అని అడగ్గా.. ‘రాజి’ అలియాకు తొలి హిట్ కాదు. హిట్టు కొట్టినప్పుడలా.. రేటు పెంచితే ఇప్పుడు దాదాపు సల్మాన్‌ ఖాన్‌కు కాస్త అటు ఇటుగా అలియా రెమ్యూనరేషన్ అందుకోవాల్సి ఉంటుందని ఆమె ఫ్రెండ్ సరదాగా చెప్పారు.