కష్టకాలంలో గుర్తొచ్చే ఫ్రెండ్ ఆయనే: షారుక్

ఈ టైటిల్ చూసి చాలామంది సల్మాన్ ఖాన్, లేక ఆమిర్ ఖాన్‌లలో ఒకరిని బాలీవుడ్ బాద్‌షా షారుక్‌ఖాన్ గుర్తుచేసుకుంటారని భావిస్తాం. అయితే ఆ వ్యక్తి ఎవరన్నది మహారాష్ట్ర అధికారిక కార్యక్రమం ముంబై 2.0లో పాల్గొన్న సందర్భంగా షారుక్ వెల్లడించారు.

ఫడ్నవీస్ గారు నాకు 3 అండ్ 4AM ఫ్రెండ్. కొన్ని సందర్భాల్లో రాత్రి మూడు గంటలకు బయటకు వెళ్తుంటే నాకు 100 నెంబర్ గుర్తురాదు. నాకు గుర్తొచ్చే వ్యక్తి మహారాష్ట్ర సీఎం దేవెంద్ర ఫడ్నవీస్. ఓసారి దాదాపు రాత్రి 3 గంటల ప్రాంతంలో అవసరం వచ్చి, సాయం కోసం సీఎం ఫడ్నవీస్‌కు మెస్సేజ్ చేశాను. ఆశ్చర్యకరంగా సీఎం నా మెస్సేజ్‌కు స్పందించారు. అలా కొందరు వ్యక్తులు మాత్రమే చేయగలరు. అందుకు ఈ సందర్భంగా ఫడ్నవీస్‌కు ధన్యవాదాలు తెలిపారు’ షారుక్ ఖాన్. మహారాష్ట్ర టీమ్‌ శ్రమను గుర్తించినందుకు ఫడ్నవీస్ సైతం షారుక్‌కు థ్యాంక్స్ చెబుతూ ట్వీట్ చేశారు.


తాను సంతోషంగా ఉన్న సమయంలో ఎప్పుడూ ఫడ్నవీస్‌కు కాల్ చేయలేదని, కానీ క్లిష్ట పరిస్థితుల్లో మాత్రం గుర్తొచ్చేది ఆయనే అని గుర్తుచేసుకున్నారు. పనిపట్ల ఉన్న నిబద్ధతే ఫడ్నవీస్‌ను తన మెస్సేజ్‌కు అర్ధరాత్రి దాటినా రిప్లై ఇచ్చేలా చేసిందని చెప్పారు. ముంబైని మ్యాజికల్ ముంబైగా చూడాలంటే ఫడ్నవీస్ లాంటి వ్యక్తి సీఎంగా ఉండాల్సిన అవసరం ఉందని కార్యక్రమంలో షారుక్ వివరించారు.