మెగా హీరో 'తిక్క' టైటిల్ సాంగ్ పాడిన ధనుష్

ఓ స్టార్ హీరో కోసం మరో స్టార్ హీరో పాట పాడటం చాలా అరుదుగా జరుగుతుంది. అలాంటిది తమిళ స్టార్ హీరో ధనుష్... టాలీవుడ్ సూప్రీమ్ హీరో సాయి ధరమ్ తేజ్ కోసం ఓపాట పాడటం విశేషం. అంతేకాదు ఓ తెలుగు హీరో కోసం ధనుష్ తెలుగులో పాడటం ఇదే ఫస్ట్ టైం. ఎంతో బిజీగా ఉన్నప్పటికీ... తమన్ స్వరపరచిన తిక్క చిత్రంలోని టైటిల్ సాంగ్‌ను ధనుష్ పాడటంతో తిక్క చిత్ర యూనిట్ చాలా హ్యాపీగా ఉంది. రామజోగయ్య శాస్త్రి సాహిత్యమందించిన ఈ టైటిల్ సాంగ్‌ని ధనుష్ ఫుల్ జోష్‌తో పాడారు. 'తిక్క... తిక్క' అంటూ సాగే ఈ సాంగ్ హైలైట్‌గా ఉంటుంది. అందుకే ధనుష్‌తో పాడించడం జరిగిందని చిత్ర నిర్మాత రోహిన్ రెడ్డి తెలిపారు.
శ్రీ వెంక‌టేశ్వ‌ర మూవీ మేక‌ర్స్ బ్యాన‌ర్‌లో సాయిధ‌రమ్ తేజ్ హీరోగా సునీల్ డైరెక్ట్ చేస్తున్న తిక్క చిత్రం షూటింగ్ పూర్తయింది. ఇటీవలే లడఖ్‌లోని అందమైన లొకేషన్స్‌లో పాటలు చిత్రీకరించారు. జులై 30న చిత్ర ఆడియోను రిలీజ్ చేసి.... ఆగస్ట్ 13న గ్రాండ్‌గా తిక్క చిత్రాన్ని రిలీజ్ చేయబోతున్నట్టు యూనిట్ తెలిపింది.