NBK 108 స్క్రిప్ట్ రెడీ.. సినిమా విజయవంతం కావాలని అనిల్ రావిపూడి పూజలు

అఖండ మూవీ బ్లాక్‌బస్టర్ హిట్‌‌తో నందమూరి నటసింహా బాలకృష్ణ (Nandamuri Balakrishna) జోరులో ఉన్నాడు. ప్రస్తుతం NBK 107 మూవీని సెట్స్‌పై ఉంచాడు. ఈ సినిమాకు గోపిచంద్ మ‌లినేని (Gopichand Malineni) దర్శకత్వం వహిస్తుండగా.. శ్రుతి హాసన్ (Shruti Haasan) హీరోయిన్‌గా యాక్ట్ చేస్తోంది. ప్రస్తుతం ఈ మూవీ షూటింగ్ శర వేగంగా జరుగుతోంది. ఇప్పటికే ఈ సినిమా నుంచి రిలీజ్ అయిన టీజర్‌కు ఆడియన్స్ నుంచి మంచి రెస్పాన్స్ వచ్చింది. మాస్ డైలాగ్స్‌తో బాలకృష్ణ అదరగొట్టడంతో NBK 107పై అంచనాలు పెరిగిపోయాయి.

ఈ సినిమా తరువాత అనిల్ రావిపూడి (Anil Ravipudi) డైరెక్షన్‌లో బాలయ్య నటించనున్నాడు. NBK 107 షూటింగ్ కంప్లీట్ అవ్వగానే.. NBK 108 మూవీ సెట్స్‌పై తీసుకెళ్లనున్నాడు. ఈ సినిమాకు సంబంధించి స్క్రిప్ట్ వర్క్ కంప్లీట్ అయినట్లు తెలుస్తోంది. బుధవారం సింహాద్రి అప్పన్న స్వామి వారిని డైరెక్టర్ అనిల్ రావిపూడి దర్శించుకున్నారు. NBK 108 స్క్రిప్ట్‌ను స్వామి వారి పాదాల చెంత ఉంచి పూజలు నిర్వహించారు. బాలయ్యతో సినిమా విజయవంతం కావాలని స్వామి వారిని కోరుకున్నట్లు అనిల్ రావిపూడి తెలిపాడు.

ఇటీవలె F3 మూవీతో సక్సెస్ అందుకున్నాడు అనిల్ రావిపూడి. ఇప్పటివరకు కామెడీ జోనర్‌లో సూపర్ హిట్స్ సాధించిన అనిల్.. బాలయ్య సినిమాతో డిఫరెంట్ జోనర్‌లో ఎంటర్ అవుతున్నట్లు తెలుస్తోంది. బాలకృష్ణ సరికొత్తగా చూపిస్తానని గతంలోనే ఈ యంగ్ డైరెక్టర్ ప్రకటించాడు. అందుకే తగినట్లే స్క్రిప్ట్ సిద్ధం చేసినట్లు తెలిసింది. ముఖ్యంగా ఇందులో బాలయ్య చెప్పే డైలాగ్స్.. ఆడియన్స్‌కు గూస్ బంప్స్ తెప్పిస్తాయని అంటున్నారు. అనిల్ రావిపూడి మేకింగ్.. బాలయ్య డైలాగ్ డెలివరీ ఎలా ఉంటుందో చూడాలి మరి..!