Neelima Guna: డైరెక్టర్ గుణశేఖర్‌ ఇంట్లో శుభకార్యం.. నీలిమ గుణ ఎంగేజ్‌మెంట్ పిక్స్ వైరల్

ప్రముఖ డైరెక్టర్ గుణశేఖర్‌ (Guna Sekhar) కూతురు, శాకుంతంల మూవీ ప్రొడ్యూసర్ నీలిమ గుణ (Neelima Guna) త్వరలోనే వివాహ బంధంలోకి అడుగుపెట్టనున్నారు. తాజాగా ఆమె ఎంగేజ్‌మెంట్‌కు సంబంధించిన ఫొటోలు నెట్టింట వైరల్ అవుతున్నాయి. తన పెళ్లికి సంబంధించి అప్‌డేట్ ఇస్తూ.. కొత్త జీవితం ప్రారంభించబోతున్నట్లు నీలిమ ట్వీట్ చేశారు. ఈ సందర్భంగా తన నిశ్చితార్థానికి సంబంధించిన పిక్‌ను ఆమె షేర్ చేసుకున్నారు. 'నా జీవితకాల ప్రయాణం మొదలైంది' అంటూ క్యాప్షన్ ఇచ్చారు.

రవి ప్రక్యా అనే వ్యక్తిని నీలిమ పెళ్లి చేసుకోబోతున్నారు. వీరి నిశ్చితార్థ వేడుక హైదరాబాద్‌లోని ఓ ఫంక్షన్‌ హాల్‌లో గ్రాండ్‌గా నిర్వహించినట్లు తెలుస్తోంది. ఈ వేడుకకు కుటుంబ సభ్యులతో పాటు సినీ ప్రముఖులు హాజరై నూతన వధూవరులను ఆశీర్వదించారు.


నీలిమ గుణ కూడా సినీ రంగంపై ఆసక్తితో నిర్మాతగా మారారు. తన తండ్రి గుణశేఖర్ దర్శకత్వంలో తెరకెక్కిన రుద్రమ దేవి సినిమాకు సహ నిర్మాతగా వ్యవహరించారు. ఇప్పుడు సమంత ప్రధాన పాత్రలో నటిస్తున్న శాకుంతలం సినిమాను నీలిమ నిర్మించారు. ఎప్పుడో షూటింగ్ పార్ట్ కంప్లీట్ చేసుకున్న ఈ మూవీ.. త్వరలోనే ఆడియన్స్ ముందుకు రానుంది. మొదట నవంబర్ 4న రిలీజ్ చేస్తామని ప్రకటించినా.. 3D వర్క్స్ పెండింగ్‌లో ఉండడంతో వాయిదా వేశారు.