Ram Gopal Varma: రియల్ పాన్ ఇండియా స్టార్ కేసీఆర్.. ఆ హీరోలంతా రీల్ స్టార్స్: ఆర్జీవీ

కింగ్ ఆఫ్ కంట్రావర్సీ డైరెక్టర్ రామ్ గోపాల్ వ‌ర్మ (Ram Gopal Varma) ఎప్పుడూ వివాదాల‌తో వార్తల్లో ఉంటారు. తనకు నచ్చినట్లు జీవిస్తూ.. తనకు నచ్చని విషయాలపై నిర్మోహటంగా తన వాయిస్ వినిపిస్తారు. అవతలి వాళ్లు ఏమనుకున్నా.. తాను చేయాల్సిన పని చేస్తారు. అప్పుడప్పుడు సినిమాలతో పాటు రాజకీయాలకు సంబంధించి కూడా తనదైన శైలిలో పంచ్‌లు వేస్తుంటారు ఆర్జీవీ (RGV). గతంలో రాష్ట్రపతి ద్రౌప‌ది ముర్ము గురించి ఏదో చెప్పబోయి నాలుక కరుచుకున్నారు. ఆ తరువాత క్షమాపణలు చెప్పారు.

ఈ విషయం పక్కన పెడితే.. తాజాగా తెలంగాణ సీఎం కేసీఆర్ (KCR)ను రియల్ పాన్ ఇండియా పొలిటికల్ స్టార్ అంటూ పొగిడేశారు. 'బాహుబలి, RRR, పుష్ప, KGF 2 సినిమాల అడుగుజాడల్లో నడుస్తూ టీఆర్ఎస్ పార్టీ కూడా పాన్ ఇండియా వైడ్‌గా BRS‌గా వెళుతుంది. రీల్ ఫిల్మ్ స్టార్స్ యాష్, తారక్, ప్రభాస్, రామ్ చరణ్, అల్లు అర్జున్ వలె కాకుండా.. రియల్ పాన్ ఇండియా పొలిటికల్ స్టార్ కేసీఆర్..' అంటూ వర్మ రాసుకొచ్చారు.


ఇటీవలె ఇందిరా గాంధీని ఉద్దేశించి ఇన్ డైరెక్ట్‌గా ట్వీట్ చేసి వివాదానికి తెరలేపారు వర్మ. ఎమర్జెన్సీ (Emergency) మూవీలో ఇందిరా గాంధీ పాత్రలో కంగ‌నా ర‌నౌత్ (Kangana Ranaut) న‌టిస్తున్న విషయం తెలిసిందే. ఇందిరా గాంధీ 1984లో ఇచ్చిన ఇంట‌ర్వ్యూ వీడియో లింక్‌ను షేర్ చేసిన ఆర్జీవీ.. ఇందిరా గాంధీ అచ్చం కంగ‌నాలానే న‌టించిందని.. కావాలంటే పూర్తి ఇంట‌ర్వ్యూ చూడండి అంటూ ట్వీట్ చేశారు. అయితే వర్మ ట్వీట్‌ను కాంగ్రెస్ వర్గాలు పెద్దగా పట్టించుకోలేదు.