క్రియేటివ్‌గా సుకుమార్ దీపావళి శుభాకాంక్షలు

100% లవ్ అంటూ.. సినిమా పేరులోనే లెక్కల్ని నింపేసిన లెక్కల మాస్టర్ సుకుమార్ దీపావళి శుభాకాంక్షల్ని కూడా తనదైన రీతిలో చెప్పారు. సినిమాల్లో టైటిల్స్, ఇతర సన్నివేశాల్లో మ్యాథ్స్ పరిజ్ఞానాన్ని జొప్పించే అలవాటున్న ఈ డైరెక్టర్ దీపావళి వెలుగులకు కంప్యూటర్ పరిజ్ఞానాన్ని అద్దారు. విద్యుత్ దీపాలు వద్దు.. మట్టి ప్రమిదలే ముద్దు అనే సందేశాన్ని కంప్యూటర్ షాట్ కట్స్ ద్వారా తెలిపారు.

షిప్ట్ ప్లస్ డిలీట్ అని విద్యుత్ దీపాన్ని ఉంచిన సుకుమార్.. కంట్రోల్ ప్లస్ ఎస్ అని దీపావళి మట్టి ప్రమిదను పోస్ట్ చేశారు. హ్యాపీ దివాళీ అని ఫేస్‌బుక్ ద్వారా దీపావళి శుభాకాంక్షలు తెలిపారు. 'షిప్ట్ డిలీట్' అంటే పూర్తిగా తీసేయడమనే సంగతి తెలిసిందే. అంటే.. దీపావళి రోజున పూర్తిగా దీపాల వెలుగులోనే పండుగ జరుపుకుందామని ఈ క్రియేటివ్ డైరెక్టర్ తన స్టయిల్లో సందేశం ఇచ్చారన్నమాట.