Director Tarun Bhasker Support To Vijay Devarakonda On Fake News Issues
‘వీళ్లేం పీకుతార్లే అని ఆ ఫేక్ వెబ్ సైట్ లిమిట్ దాటేశారు.. విజయ్తో ఆట మొదలు’.. దర్శకుడి వార్నింగ్
టాలీవుడ్ పరిశ్రమ ఏకం అయ్యింది.. తప్పుడు వార్తలు ప్రచురిస్తున్న వెబ్ సైట్పై యుద్ధం ప్రకటించారు. విజయ్ దేవరకొండ ‘కిల్ ఫేక్ న్యూస్’ వీడియోపై స్పందిస్తూ చిరంజీవి, మహేష్ బాబు, రవితేజ, కొరటాల లాంటి స్టార్లు ఒక్కొక్కరుగా ముందుకు వచ్చి మద్దతు ప్రకటించి ఆ వెబ్ సైట్స్ ఆట కట్టించేందుకు రెడీ అయ్యారు.
Samayam Telugu5 May 2020, 1:48 pm
విజయ్ దేవరకొండ ట్రస్ట్ ద్వారా జనానికి మంచి చేద్దాం అనే ఆలోచనతో ముందుకు వచ్చిన విజయ్ దేవరకొండపై తప్పుడు వార్తలు ప్రచురిస్తున్న కొన్ని గాసిప్ వెబ్ సైట్స్పై యుద్ధం ప్రకటించాడు రౌడీ హీరో. కరోనా క్రైసిస్ వల్ల ఇబ్బందులు పడుతున్న మిడిల్ క్లాస్ ఫ్యామిలీలకు సాయం చేసేందుకు మిడిల్ క్లాస్ ఫండ్ పేరుతో ఫౌండేషన్ ఏర్పాటు చేసి ఎంతో మంది మిడిల్ క్లాస్ ఫ్యామిలీలకు సాయం చేస్తున్నారు విజయ్. అయితే వీటిని వక్రీకరిస్తూ కొన్ని వెబ్ సైట్ తనపై తప్పుడు వార్తలు రాయడంతో వాళ్ల బండారం బయటపెడ్డాడు విజయ్. ‘ఇండస్ట్రీ మీద ఆధారపడి బతికే ఆయా వెబ్సైట్లను నడుపోతోన్న సదరు వ్యక్తులు తమనే బ్లాక్ మెయిల్ చేస్తున్నారని.. ఇష్టమొచ్చినట్టు తప్పుడు వార్తలు రాస్తున్నారని రెండు రోజుల క్రితం తనను ఇంటర్వ్యూ అడగ్గా.. ఇవ్వననడంతో ఇష్టం వచ్చినట్టు కథనాలు రాసి తప్పుడు వార్తలు రాస్తున్నారంటూ’ విజయ్ దేవరకొండ విడుదల చేసిన వీడియో సోషల్ మీడియాలో వైరల్ అవుతోంది. దీంతో విజయ్కి మద్దతు ప్రకటిస్తూ.. మహేష్ బాబు, రవితేజ, కొరటాల శివ, హరీష్ శంకర్, నాగబాబులతో పాటు ఇండస్ట్రీ ప్రముఖులు ఈ ఫేక్ వెబ్ సైట్పై నిప్పులు చెరిగారు.
నీకు నీనున్నా బ్రదర్.. సమిష్టి యుద్ధం
మహేష్ బాబు లాంటి కూల్ పర్శన్ కూడా ఇలాంటి గాసిప్స్ వెబ్ సైట్స్ చేస్తున్న అరాచకాలను కోడ్ చేస్తూ ‘నీ వెనుక నేనున్నా బ్రదర్.. కిల్ ఫేక్ న్యూస్’ అంటూ సమిష్టిగా తమపై అబద్ధాలను ప్రచారం చేస్తోన్న ఈ ఫేక్ వెబ్సైట్స్పై చర్యలు తీసుకోవాలని టాలీవుడ్ పరిశ్రమను కోరారు. దీంతో మెగాస్టార్ చిరంజీవి స్పందిస్తూ.. ‘మీ ఆవేదనను నేను అర్థం చేసుకున్నాను.. ఇలాంటి తప్పుడు రాతల వల్ల నేను, నా కుటుంబం బాధపడిన సందర్భాలు అనేకం.’ అంటూ ట్విట్టర్ ద్వారా విజయ్ దేవరకొండ వాదనను సమర్ధించారు చిరంజీవి.
విజయ్కి మద్దతుగా మహేష్ బాబు ట్వీట్
సీరియస్ ఇష్యూస్పై తప్పుడు ప్రచారమా??
కాగా విజయ్తో పెళ్లి చూపులు సినిమా తీసిన తరుణ్ భాస్కర్ సైతం స్పందిస్తూ ఆ వెబ్ సైట్స్ అరాచకాల్ని బయటపెట్టారు. విజయ్పై నెగిటివ్ న్యూస్ ప్రచారం చేస్తున్నారు.. ఇప్పుడే కాదు ఎప్పటి నుంచో జరగుతుంది. అయితే సీరియస్ ఇష్యూ టైంలో కూడా విజయ్ని టార్గెట్ చేయడం.. అక్కడే తప్పు చేశారని అనిపిస్తుంది. విజయ్ ఒక మంచి ఉద్దేశంలో మిడిల్ క్లాస్ ఫండ్ అని ఫౌండేషన్ స్థాపించి.. చాలా కేర్ తీసుకుని ఫండ్ కలెక్ట్ చేసి మిడిల్ క్లాస్ ఫ్యామిలీలకు సాయం అందిస్తున్నాడు. అయితే ఈ ఇష్యూలో విజయ్ని టార్గెట్ చేసి తప్పుడు వార్తలు రాస్తున్నారు. అతన్నే కదు.. ఇండస్ట్రీలో చాలా మందిని టార్గెట్ చేస్తున్నారు.
డబ్బులకు కక్కుర్తి పడి.. తక్కువ రేటింగ్స్
ఫిల్మ్ మీడియా అనేది ఇండస్ట్రీలో చాలా ముఖ్యమే.. అది ఉండాలి కూడా. చాలా మంది జర్నలిస్ట్లు ఎథిక్స్ పాటిస్తూ వార్తలు రాస్తున్నారు. అయితే ఇప్పుడు ప్రతి ఒక్కడూ వెబ్ సైట్ పెట్టేసి.. నోటికొచ్చినట్టు వార్తలు రాస్తూ.. తోచిన రేటింగ్ ఇస్తున్నారు. డబ్బులకు కక్కుర్తి పడి.. సినిమా మంచిగా ఉన్నా యాడ్స్ ఇవ్వలేదు, డబ్బులు ఇవ్వలేదనే కారణంతో తక్కువ రేటింగ్ ఇస్తారు.. ఈ విషయం జానానికి కూడా తెలుసు కాని ఎవడేం పీకుతాడులే అన్న కాన్ఫిడెంట్ వీళ్లకి. ఎవడైనా ఎదుగుతుంటే అస్సలు తట్టుకోలేరు.. మీరు మాకంటే తోపులా అన్నట్టుగా ఫీల్ అవుతారు.
విజయ్కి మద్దతుగా చిరంజీవి ట్వీట్
వీళ్లేం పీకుతారులే అని ధీమాగా ఉన్నారు..
ఇలాంటి తప్పుడు రాతలు రాసే వాళ్ల ఆట కట్టాలి ఇక. యూజర్ బేస్ని గేదర్ చేసుకుని తప్పుడు వార్తలతో డబ్బులు సంపాదిస్తున్నారు. వీళ్లేం పీకుతారులే అన్నట్టుగా ఉన్నారు. కాని ఇప్పుడు మాకూ కాలింది.. మీరు చేయాల్సింది మీరు చేశారు.. ఇప్పుడు మాకు టైం వచ్చింది. తిండి లేక జనం ఇబ్బందులు పడుతున్న తరుణంలో విజయ్ దేవరకొండ లాంటి వాళ్లు ముందుకు వచ్చి ఫౌండేషన్ నడుపుతుంటే.. డబ్బు కోసం, వ్యక్తిగత ఇమేజ్ కోసమో చేస్తున్నాడని మీకు తోచింది రాయడం కరెక్టేనా? ఇలాంటి టైంలో ఇంత నీచమైన వార్తలు రాయడం కరెక్ట్ కాదు.
ఇలా చేస్తే మరొకరు మంచి చేయడానికి ముందుకొస్తారా??
ప్రతిదానికి ఒక లిమిట్ ఉంటుంది.. దాన్ని దాటేశారు మీరు.. ఇక ఊరుకునే పరిస్థితి లేదు. మీరు చేయాల్సింది మీరు చేశారుగా ఇక మేం చేస్తాం చూడండి. ఒక మంచి పని చేస్తున్న వ్యక్తిపై తప్పుడు వార్తలు రాస్తున్నారంటే రేపటి రోజున ఇంకెవడూ మంచి చేద్దాం అని ముందుకు రారు. ఈ పెంట మాకు అవసరమా? అనుకుంటారు. ఎంతో మంది సెలబ్రిటీలు వాళ్ల పేర్లు బయటకు రాకుండా సాయం చేస్తున్నారు. ఈ సందర్భంగా విజయ్కి కంగ్రాట్స్ చెప్తున్నా.. ఇలాంటి నెగిటివ్, ఫేక్ గాళ్ల ఆట కట్టించడానికి నువ్ ముందుకు వచ్చావ్.. నీకు మా సపోర్ట్ ఉంటుంది. దయచేసి ఇలాంటి వెబ్ సైట్స్ని ప్రోత్సహించవద్దు’ అంటూ వీడియో విడుదల చేశారు తరుణ్ భాస్కర్.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.