ఎన్టీఆర్ బయోపిక్, వెంకీల సినిమాలపై తేజ ప్రకటన

డైరెక్టర్ తేజ త్వరలోనే స్వర్గీయ నందమూరి తారకరామా రావు జీవిత చరిత్ర ఆధారంగా ఓ బయోపిక్‌ని తెరకెక్కించనున్న సంగతి తెలిసిందే. నందమూరి నటసింహం బాలకృష్ణ తన తండ్రి ఎన్టీఆర్ పాత్రలో కనిపించనున్న ఈ సినిమా ఎప్పుడు సెట్స్‌పైకి వెళ్తుంది ? అసలు తేజ ఈ సినిమాను డైరెక్ట్ చేస్తాడా లేదా ? అని తరచుగా వ్యక్తమవుతున్న సందేహాలకి ఫుల్‌స్టాప్ పెడుతూ తాజాగా తేజ తన ఫేస్‌బుక్ పోస్ట్ ద్వారా సమాధానం ఇచ్చే ప్రయత్నం చేశాడు.

ఈరోజు మధ్యాహ్నం ఫేస్‌బుక్‌లో ఓ పోస్ట్ పెట్టిన తేజ.. త్వరలోనే విక్టరీ వెంకటేష్, ఎన్టీఆర్ బయోపిక్ చిత్రాలు ప్రారంభం కానున్నాయని అందులో స్పష్టంచేశాడు. త్వరలోనే నటీనటుల వివరాలు, తేదీ, వేదిక ప్రకటిస్తానని, త్వరలోనే మరిన్ని వివరాలతో మీ ముందుకొస్తానని ఆ పోస్టులో పేర్కొన్నాడు తేజ.