లోఫర్ భామ చిలిపి ప్రశ్న!

లోఫర్ సినిమాతో తెలుగు తెరకు పరిచయమైన దిశా పటాని ప్రస్తుతం బాలీవుడ్ పాటు అటు హాలీవుడ్‌లోనూ కాలు మోపింది. తాజాగా జాకీచాన్‌ మూవీ 'కుంగ్ ఫూ యోగ'లో దిశా నటించింది. ఈ సిని అదే పేరుతో తెలుగులోనూ రిలీజ్ కానుంది. అయితే గత కొద్ది రోజులుగా దిశా పటాని బాలీవుడ్ హీరో టైగర్ ష్రాఫ్ తో ప్రేమాయణం నడుపుతోందని వార్తలు వినిపించాయి. వీరిద్దరు కలిసి ఓ మ్యూజిక్ వీడియోలో కూడా నటించారు. దీంతో వీరిపై గాసిప్స్ ఓ రేంజ్‌లో వినిపించాయి.

ఓ సందర్భంలో ఈ విషయమై దిశాను ప్రశ్నించగా.. ‘ప్రొఫెషనల్‌గా చాలా మంది హీరోలతో కలిసి నటిస్తాం.. కొందరు నచ్చుతారు.. కొందరు స్నేహితులవుతారు.. మరికొందరు పరిచయమై మాయమవుతుంటారు. టైగర్ ష్రాఫ్ నాకు అలా మంచి స్నేహితుడు అయ్యాడు. ఇంకా చెప్పాలంటే ఫ్రెండ్ కంటే ఎక్కువే అలా అని లవర్ కాదు.. ఏ సినిమా హీరోతో పని చేసినా ఎఫైర్ అంటే మరి ఇప్పుడు నాకు జాకీచాన్‌తో కూడా ఎఫైర్ ఉండాలి కదా’ అంటూ చిలిపిగా ప్రశ్నిస్తూ నవ్వేసింది.