చిరంజీవిని ‘చిరు’ అని తొలిసారి పిలిచింది ఎవరంటే..

తెలుగు సినీ ఇండస్ట్రీలో ఎలాంటి బ్యాగ్రౌండ్ లేకుండా స్వయంకృషితో అగ్రహీరోగా ఎదిగారు మెగాస్టార్ చిరంజీవి. ఎన్టీఆర్, ఏఎన్నార్, కృష్ణ, శోభన్‌బాబు, కృష్ణంరాజు.. స్టార్ హీరోలుగా వెండితెరను ఏలుతున్న సమయంలో సినిమాల్లోకి వచ్చిన చిరంజీవి అంచెలంచెలుగా ఎదుగుగూ ఇండస్ట్రీనే శాసించే స్థాయికి చేరుకున్నారు. ఆయన అసలు పేరు కొణిదెల శివశంకర ప్రసాద్ అని అందరికీ తెలిసిందే. ఆంజనేయస్వామికి వీరభక్తుడైన ఆయన సినిమాల్లోకి వచ్చాక చిరంజీవిగా పేరు మార్చుకున్నారు.

Also Read: అభిమానికి దిమ్మతిరిగే పంచ్.. సుమక్కతో మామూలుగా ఉండదు మరి

చిరంజీవిని అభిమానులతో పాటు సినీ ప్రముఖులు ముద్దుగా చిరు అని పిలుస్తుంటారు. అయితే ఆయన్ని చిరు అని తొలిసారి ఎవరు పిలిచారో తెలుసా.. కళాతపస్వి దర్శకత్వంలో వచ్చిన ‘సప్తపది’ సినిమాలో నటించి మెప్పించిన రవికాంత్.. ఆ తర్వాత చిరంజీవితో కలిసి ‘మంచు పల్లకి’లో నటించారు. ఆ సినిమా షూటింగు జరుగుతున్న సందర్భంలో చిరంజీవిని.. పూర్తి పేరుతో పిలవలేక ‘చిరు’ అంటూ గట్టిగా పిలిచారట రవికాంత్. అప్పటి నుంచి యూనిట్ సభ్యులు, స్నేహితులు అందరూ కూడా ఆయన్ని చిరు అని పిలవడం మొదలుపెట్టారు. అప్పటి నుంచి మెగాస్టార్ చిరంజీవికి ‘చిరు’ అనేది ముద్దుపేరుగా స్థిరపడిపోయింది.

Also Read: మహేశ్‌బాబు ‘ఒక్కడు’ సినిమా టైటిల్ వెనుక ఇంత కథ ఉందా..