డ్రగ్స్‌తో కాజల్, రాశీఖన్నా, లావణ్యలకు లింక్?

డ్రగ్స్ వ్యవహారంలో ఎక్సైజ్ శాఖ సిట్ విచారణతో ఇప్పటికే టాలీవుడ్ ఉక్కిరి బిక్కిరవుతోంది. నిన్న కాజల్ మేనేజర్ రోనీ అలియాస్ రాన్‌సన్ జోసెఫ్‌ను ఎక్సైజ్ అధికారులు అరెస్ట్ చేసి అతని వద్ద నుంచి మాదకద్రవ్యాలను కూడా స్వాధీనం చేసుకున్నారు. రోనీ గతంలో రాశీఖన్నా, లావణ్య త్రిపాఠిలకు కూడా మేనేజర్‌గా వ్యవహరించాడు.రోనీ పోలీసులు చిక్కడం, అతడి దగ్గర డ్రగ్స్ లభించడంతో టాలీవుడ్ మరోసారి ఉలిక్కి పడుతోంది. ఈ ముగ్గురు వర్దమాన కథానాయికల మేనేజర్‌గా ఆయనకు సంబంధాలు ఉండటంతో, అంతా అయోమయ పరిస్థితి నెలకొంది.

మరోవైపు, రోనీని విచారిస్తే, డ్రగ్స్ వ్యవహారంలో మరింత కీలక సమాచారం బయటకు వచ్చే అవకాశం ఉందని అధికారులు పేర్కొంటున్నారు. రోనీ వద్ద మాదకద్రవ్యాలు లభ్యం కావడంతో ఈ వ్యవహారంలో పరిశ్రమలోని మరికొంత మంది హీరోయిన్లకు కూడా సంబంధాలు ఉండే అవకాశం ఉందని సిట్ అధికారులు అనుమానిస్తున్నారు. ముఖ్యంగా కాజల్, రాశీఖన్నా, లావణ్య త్రిపాఠిలకు డ్రగ్స్‌తో సంబంధాలు ఉన్నాయా? అనే కోణంలో విచారణ కొనసాగే అవకాశం ఉంది. ఇదే నిజమైతే, ఈ ముగ్గురు భామలకు సిట్ నోటీసులు జారీచేసి, విచారణకు పిలిస్తే తప్పక హాజరుకావాల్సి ఉంటుంది. ఈ నేపథ్యంలో, వీరు ముగ్గురూ తీవ్ర ఒత్తిడికి లోనవుతున్నట్టు సమాచారం.

గత కొంతకాలంగా కాజల్‌కు మేనేజర్‌గా పనిచేస్తున్న రోనీ డ్రగ్స్ సేవిస్తున్నాడనే అనుమానంతో పోలీసులు నిఘా పెట్టారు. నిన్న అతడి ఇంటిలో సోదాలు నిర్వహించిన పోలీసులు గంజాయిని స్వాధీనం చేసుకున్నారు. అయితే రోనీ డ్రగ్స్ తీసుకుంటున్నాడా లేదా అనే విషయాన్ని వైద్యపరీక్షల ఆధారంగా ధ్రువీకరించనున్నారు. ఒకవేళ రోనీడ్రగ్స్ తీసుకున్నట్లు తేలితే అతడికి ఎలా లభించాయి. వాటిని ఎవరెవరకి అందించాడనే కీలక విషయాలు బయటకు వచ్చే అవకాశం ఉంది.