యంగ్ టైగర్ ఎన్టీఆర్ హీరోగా నటించిన క్రేజీ మూవీ ‘అరవింద సమేత వీర రాఘవ’ ప్రీ రిలీజ్ వేడుక హైదరాబాద్లోని హెచ్ఐసీసీ నోవోటెల్లో ఘనంగా జరుగుతోంది. ఈ వేడుకకు సుమ యాంకర్గా వ్యవహరిస్తున్నారు. ఇండియాలో ప్రఖ్యాత డ్రమ్స్ ప్లేయర్గా పేరుగాంచిన శివమణి ఈ వేడుకలో ప్రత్యేక ఆకర్షణగా నిలిచారు. కార్యక్రమం ప్రారంభంలో తన డ్రమ్స్ షోతో అలరించారు. నందమూరి అభిమానుల్లో ఉత్సాహాన్ని నింపారు.
కాగా, హారికా అండ్ హాసిని క్రియేషన్స్ సంస్థ ఈ ప్రీ రిలీజ్ వేడుకను చాలా గ్రాండ్గా నిర్వహిస్తోంది. సంగీత దర్శకుడు ఎస్.ఎస్.థమన్ లైవ్ షో ఇస్తున్నారు. ఈ లైవ్ మ్యూజిక్ షోలో డ్రమ్స్ శివమణితో కలసి థమన్ డ్రమ్స్ వాయిస్తున్నారు. ఇప్పటికే ఎన్టీఆర్, కళ్యాణ్ రామ్, త్రివిక్రమ్ శ్రీనివాస్, సిరివెన్నెల సీతారామశాస్త్రి వేదిక వద్దకు చేరుకున్నారు.
ఇదిలా ఉంటే, ఈ వేడుకలో పాల్గొనడానికి రెండు తెలుగు రాష్ట్రాల నుంచి ఎన్టీఆర్ అభిమానులు భారీగా తరలివచ్చారు. సుమారు 4వేల మంది అభిమానులకు పాసులు ఇచ్చినట్లు సమాచారం. ఈరోజు మధ్యాహ్నం నుంచే నోవోటెల్ వద్ద అభిమానులు బారులు తీరారు. ఎప్పుడెప్పుడు లోపలికి పంపిస్తారా అని చాలా ఆత్రుతగా ఎదురుచూశారు. మొత్తానికి ఆరు గంటల సమయంలో వారిని లోపలికి అనుమతించారు. కాగా, దసరా సందర్భంగా ‘అరవింద సమేత’ అక్టోబర్ 11న ప్రేక్షకుల ముందుకు వస్తోంది.
‘అరవింద సమేత’ ప్రీ రిలీజ్ ఈవెంట్ లైవ్..
‘అరవింద సమేత’ ప్రీ రిలీజ్ ఈవెంట్ లైవ్..