Dulquer Salmaan: సీతా రామం మూవీ ట్విట్టర్ రివ్యూ.. క్లాసిక్ బ్లాక్‌బస్టర్

మహానటి మూవీతో తెలుగు ప్రేక్షకులకు బాగా దగ్గరయ్యాడు మలయాళ స్టార్ హీరో దుల్కార్ సల్మాన్ (Dulquer Salmaan). ఆ మూవీలో దుల్కార్ యాక్టింగ్‌కు ఆడియన్స్ ఫిదా అయిపోయారు. తాజాగా సీతా రామం (Sita Ramam) వంటి క్లాసిక్ మూవీతో ప్రేక్షకుల ముందుకు వచ్చాడు ఈ యంగ్ హీరో. హను రాఘవపూడి (Hanu Raghavapudi) దర్శకత్వంలో రూపొందిన ఈ సినిమా.. భారీ అంచనాల నడుమ నేడు (ఆగస్టు 5) రిలీజ్ అయింది. మృణాళ్ ఠాకూర్ (Mrinal Thakur) హీరోయిన్‌. స్టార్ హీరోయిన్ రష్మిక మందన్న (Rashmika Mandanna), టాలీవుడ్ హీరో సుమంత్‌ (Sumanth) కీలక పాత్రలు పోషించారు. తెలుగు, త‌మిళ‌, మ‌ల‌యాళ భాష‌ల్లో వైజ‌యంతీ మూవీస్, స్వప్న సినిమాస్ బ్యాన‌ర్స్‌పై ప్రముఖ నిర్మాత అశ్వినీదత్ (Aswini Dutt) నిర్మించారు. హైఎక్స్‌పెటేషన్స్‌ నడుమ ఆడియన్స్ ముందుకు వచ్చిన యుద్ధంతో రాసిన ప్రేమకథ ఎలా ఉంది..? ట్విట్టర్‌లో ఫ్యాన్స్ రెస్పాన్స్ ఎలా ఉంది..? ఓసారి చూద్దాం..

క్లాసిక్ రొమాంటిక్ డ్రామాగా సీతా రామం మూవీ ఉందంటూ ఆడియన్స్ కామెంట్స్ పెడుతున్నారు. దుల్కార్ సల్మాన్, మృణాళ్ ఠాకూర్ మధ్య కెమెస్ట్రీ ఓ రేంజ్‌లో ఉందంటున్నారు. రష్మిక మందన్నా క్యారెక్టర్ హైలెట్‌గా ఉందని చెబుతున్నారు. బ్యాగ్రౌండ్ మ్యూజిక్ చాలా బాగుందని.. పాటలు ఎప్పటికీ గుర్తుండిపోయాలా ఉన్నాయంటున్నారు. సినిమాటోగ్రాఫీ అద్భుతంగా ఉందని అంటున్నారు. కచ్చితంగా సీతా రామం మూవీ చూడాల్సిందే అంటూ రివ్యూ ఇస్తున్నారు.

హను రాఘవపూడి టేకింగ్ చాలా బాగుందని ప్రశంసిస్తున్నారు. సీతా రామం మూవీని అద్భుతంగా తెరకెక్కించారని ట్వీట్స్ చేస్తున్నారు. కనువిందు చేసేలా ఇందులో విజువల్స్ ఉన్నాయంటున్నారు. అంచనాలకు మించి సినిమా ఉందని.. ఓ మంచి క్లాసిక్ మూవీగా నిలిచిపోతుందని చెబుతున్నారు. ఓవరాల్‌గా సీతా రామం సినిమాకు ఆడియన్స్ నుంచి పాజిటివ్ టాక్ వస్తుండడంతో మూవీ యూనిట్ హర్షం వ్యక్తం చేస్తోంది.