Rakul Preet Singh: హీరోయిన్‌ రకుల్ ప్రీత్‌కు ఈడీ నోటీసులు.. డ్రగ్స్ కేసు రీఓపెన్

టాలీవుడ్‌లో ‘వెంకటాద్రి ఎక్స్‌ప్రెస్’ సినిమాతో గుర్తింపు తెచ్చుకున్న హీరోయిన్ రకుల్ ప్రీత్ సింగ్ ఆ తర్వాత స్టార్ హీరోయిన్‌గా ఎదిగింది. తెలుగులో స్టార్ హీరోల సరసన వరుస సినిమాలు చేసిన ఆమె.. ఈ మధ్య బాలీవుడ్‌పై ఫోకస్ చేసింది. అక్కడ ప్రముఖ ఫిలిం మేకర్ జాకీ భగ్నానీతో డేటింగ్ చేస్తు్న్నట్లు రూమర్స్ కూడా వినిపించాయి. ఇదిలా ఉంటే.. టాలీవుడ్ డ్రగ్స్ కేసు విషయంలో గతంలో ఆమె పేరు వినిపించిన సంగతి తెలిసిందే. అంతేకాదు విచారణకు హాజరైన తనను ఈడీ దాదాపు ఆరు గంటలకు పైగా ప్రశ్నించింది. అయితే ఆ తర్వాత ఈ కేసు ప్రస్తావన మీడియాలో కనిపించలేదు.టాలీవుడ్ డ్రగ్స్ వ్యవహారం గతంలో కలకలం రేపిన సంగతి తెలిసిందే. డ్రగ్స్ కేసుకు సంబంధించి పలువురు ఫిలిం స్టార్లను గతేడాది ఎన్‌ఫోర్స్‌మెంట్ డైరెక్టరేట్(ఈడీ) విచారిచింది. కానీ ఎటువంటి ఆధారాలు లభించకపోవడంతో కొంతకాలంగా ఈ కేసులో పురోగతి లేదు. ఈ క్రమంలోనే తెలంగాణ పోలీసులు.. ఈడీ అధికారులకు ఇచ్చిన సమాచారంలో కోర్టుకు సమర్పించని కీలకమైన వాంగ్మూలాలు ఉన్నాయనే రూమర్స్ వినిపించాయి. ఈ నేపథ్యంలోనే టాలీవుడ్ డ్రగ్స్ కేసు నిందితులకు ఈడీ ప్రత్యేకంగా నోటీసులు జారీ అవకాశాలున్నాయని గతంలో ప్రచారం కూడా జరిగింది. అయితే ఈడీ.. ఆధారాలను జాగ్రత్తగా పరిశీలించిన మీదట, తాజాగా రకుల్ ప్రీత్‌తో పాటు తాండూరు ఎమ్మెల్యే పైలట్ రోహిత్ రెడ్డికి నోటీసులు జారీ చేసి షాక్ ఇచ్చింది. వీరిని ఈ నెల 19న విచారణకు హాజరు కావాల్సిందిగా ఆదేశించింది.

• Read Latest Telugu Movies News , Telugu News