టాప్ లెస్ పోజు - విమర్శలు.. లెక్క చేయనన్న నటీమణి

ఒక మ్యాగజిన్ పేజ్ త్రీ లో టాప్ లెస్ పోజును ఇచ్చిన హాలీవుడ్ నటీమణి ఎమ్మా వాట్సన్ దానిపై చెలరేగిన విమర్శలకు వివరణ ఇచ్చింది. తనపై విరుచుకుపడిన క్రిటిక్స్ కు తగిన సమాధానం ఇచ్చింది ఎమ్మా. ఫెమినిజం ఉద్యమ కారిణి అయిన ఈ నటీమణి ఇచ్చిన టాప్ లెస్ పోజుపై చెలరేగిన వివాదం ఆసక్తికరంగా ఉంది.

ఫ్యాషన్ షోలో భాగంగా ఎమ్మా వాట్సన్ ఇచ్చిన టాప్ లెస్ పోజును ఒక అమెరికన్ పత్రిక ప్రముఖంగా ప్రచురించింది. దీంతో విమర్శకులు చెలరేగిపోయారు. జండర్ ఈక్వాలిటీ గురించి మాట్లాడే, ఆడమగ వ్యత్యాసం ఉండకూడదనే ఎమ్మా ఇలా టాప్ లెస్ పోజు ఇవ్వడం ఏమిటి? అని విమర్శకులు వ్యాఖ్యానించారు. స్త్రీని ఆట వస్తువుగా చూడకూడదనేది ఫెమినిజం సిద్ధాంతం. అయితే.. ఎమ్మా మాత్రం టాప్ లెస్ పోజు తో వ్యాపారధోరణితో వ్యవహరించింది.. అనునిత్యం ఫెమినిజం సిద్ధాంతాలు చెప్పే ఎమ్మా ఇలా చేయడం ఏమిటి? అని విమర్శకులు ప్రశ్నించారు.

టాప్ లెస్ పోజు వ్యాపార ధోరణితో కూడుకున్నది అని.. కాబట్టి ఎమ్మా వినిపించే ఫెమినిజం కేవలం హిపోక్రసీ, ఆమెది ద్వంద్వ వైఖరి అని ఇంటర్నెట్ లో విమర్శలు వచ్చాయి. ఈ నేపథ్యంలో ఎమ్మా స్పందించింది. విమర్శలను కొట్టిపడేసింది. టాప్ లెస్ పోజు ఫెమినిజానికి ప్రతీక అని వ్యాఖ్యానించింది. మహిళ తనకు నచ్చినట్టుగా ఉండటమే.. ఫెమినిజం, తను అలానే ఉన్నాను.. అదే ఆలోచనతోనే టాప్ లెస్ పోజు ఇచ్చాను అని స్పష్టం చేసింది.