హీరో సినిమాకోసం అభిమాని ఉపవాసం

హీరో రామ్‌కు కొత్త చిక్కొచ్చింది . ఈహీరో నేను శైలజ మూవీ హిట్ తరువాత హైపర్‌లో నటించినప్పటికీ.. ఆ మూవీ అంతంత మాత్రంగానే ఆడటంతో నెక్స్ట్ మూవీకి టైం తీసుకుని కథలు వినే పనిలో ఉన్నాడు. అయితే ఈ లాంగ్ గ్యాప్‌ని తట్టుకోలేని రామ్ వీరాభిమాని ఒకరు దిమ్మతిరిగే ట్వీట్ చేశాడు.

రామ్ అన్నయ్యా.. మీ నెక్స్ట్ మూవీ ఎనౌన్స్ చేస్తేనే నేను తిండి తింటా.. అప్పటి వరకూ ఉపవాసం ఉంటానని.. ఇది మొదటిరోజు లవ్ యూ అన్నయ్యా.. అంటూ తరుణ్ సాయి ప్రకాష్ అనే అభిమాని ట్వీట్ చేయడంతో రామ్ వెంటనే స్పందించాడు.

తమ్ముడూ.. ఇలాంటి కొత్త టెన్షన్ పెట్టకు.. నేను అదే పనిలో ఉన్నా.. తొందర్లోనే సినిమా ప్రకటిస్తా అని రీ ట్వీట్ చేశాడు. మరి అన్న రిప్లేకు తమ్ముడు దీక్షవదులుతాడో కంటిన్యూ చేస్తాడో చూడాలి.