Anasuya Bharadwaj: 'ఆంటీ అన్నందుకు సారీ అను'.. అభిమాని క్షమాపణలు.. అనసూయ రిప్లై ఇదే..

యాంక‌ర్ అనసూయ (Anasuya Bharadwaj) పేరు సోషల్ మీడియాలో ట్రెండ్ అవుతున్న విషయం తెలిసిందే. ఆమెను ‘ఆంటీ’ (Aunty) అంటూ కొందరు ట్రోల్ చేయడంతో ఆగ్రహం వ్యక్తం చేసింది. తనను ఆంటీ అంటే.. కేసు పెడతానంటూ హెచ్చరికలు కూడా జారీ చేసింది. అయినా కొంతమంది మళ్లీ అలానే ట్రోల్ చేశారు. ఆంటీ (#Aunty) అనే హ్యాష్ ట్యాగ్‌ను క్రియేట్ ట్విట్టర్‌లో ట్రెండ్ చేశారు. అయితే త‌న‌ను విమ‌ర్శించిన వారికి అంతే గ‌ట్టిగా స‌మాధానం ఇస్తోంది అనసూయ.

నేడు టాలీవుడ్ కింగ్ నాగార్జున (Nagarjuna) పుట్టిన రోజు సందర్భంగా బర్త్ డే విషెస్ చెబుతూ అనసూయ ట్వీట్ చేసింది. ఈ సందర్భంగా అభిమానికి ఆమెకు రిప్లై ఇచ్చాడు. 'ఆంటీ అన్నందుకు సారీ అను..' అంటూ కామెంట్ చేశాడు. దీనికి అనసూయ రిప్లై ఇస్తూ.. 'అర్థం చేసుకున్నందుకు థ్యాంక్ యూ' అంటూ రాసుకొచ్చింది. మరో అభిమాని కూడా హాలో మేడం సారీ అంటూ కామెంట్ చేశాడు.

రౌడీ స్టార్ విజ‌య్ దేవ‌ర‌కొండ (Vijay Deverakonda) హీరోగా న‌టించిన 'లైగ‌ర్' (Liger) మూవీకి నెగిటివ్ టాక్ వచ్చింది. 'అమ్మను అంటే ఆ ఉసురు ఊరికే పోదు..' అంటూ అన‌సూయ ఇన్‌డైరెక్ట్‌గా ట్వీట్ చేసింది. దీంతో రౌడీ హీరో ఫ్యాన్స్ రెచ్చిపోయారు. ఆమెను 'ఆంటీ' ట్రోల్ చేశారు. బూతు ప‌ద‌జాలంతోనూ విరుచుకుప‌డుతూ.. సోషల్ మీడియాలో పోస్టులు పెట్టారు.