ఆ హీరో కోసం.. థియేటర్‌ లోపలే పటాసులు కాల్చారు!

ఎవరైనా తమ అభిమాన హీరో చిత్రం విడుదలైతే.. టిక్కెట్లనో, కాగితాలనో చించి ఎగరేస్తూ డ్యాన్సులు చేస్తారు. అయితే, ఈ ఫ్యాన్స్ ఆ టైపు కాదు. తమ అభిమాన హీరో కోసం థియేటర్‌ను కూడా తగలబెట్టేస్తారు. నాసిక్‌లో జరిగిన ఈ ఘటన ఇప్పడు సోషల్ మీడియాలో చర్చనీయమైంది. థియేటర్లో బాణాసంచా పేలుస్తున్న వీడియో వైరల్‌‌గా మారింది. ఇటీవల విడుదలైన ‘యే దిల్ హై ముష్కిల్’ చిత్రంలో షారుక్ ఖాన్ అతిథి పాత్రలో కనిపించారు. ఈ సందర్భంగా ఆయన ఫ్యాన్స్ సినిమా హాలు లోపలే.. తారా జువ్వలు, పటాసులు పేల్చుతూ సందడి చేశారు. దీంతో, థియేటర్ నిర్వాహకులు బెంబేలెత్తిపోయారు. అభిమానులను నియంత్రించడానికి చాలా కష్టపడ్డారు. లక్కీగా ఆ హాల్‌లో ఎటువంటి అగ్ని ప్రమాదం చోటు చేసుకోలేదు. లేకుంటే, దాదాపు 200 మంది అగ్నికీలకల్లో చిక్కుకునేవారు. అయితే, బాణా సంచా పోగతో ప్రేక్షకులంతా ఉక్కిరిబిక్కిరయ్యారు. దీంతో, సినిమాను మధ్యలోనే నిలిపేసి, అందరినీ బయటకు పంపించారు.

Crowd Reaction Video during cameo of @iamsrk in ADHM from Malegaon Nashik, Fucking unbelievable. 😂😨 pic.twitter.com/gTextXkWjx — रईस भाई (@SRKianz) October 28, 2016 ఈ వైరల్ వీడియోను చూసి షారుక్ ట్విట్టర్‌లో ఆశ్చర్యం వ్యక్తం చేశాడు. అభిమానులు అలా చేశారంటే నమ్మశక్యంగా లేదని ట్వీట్ చేశాడు.

హైదరాబాద్‌లో కరెన్సీ విసిరి..: హైదరాబాద్‌లోనూ షారుక్ ఫ్యాన్స్ తమ వీరాభిమానాన్ని చూపారు. తాజాగా విడుదలైన ‘డియర్ జిందగీ’ చిత్రం ప్రదర్శనలో కరెన్సీ నోట్లను విసిరి కేరింతలు కొట్టారు. దీనిపై షారుక్ స్పందిస్తూ.. ఇంతకీ అవి నిజంగా నిజమైన డబ్బులేనా అని ఆశ్చర్యం వ్యక్తం చేశాడు. అయితే, అభిమానులు తమ వద్ద ఉన్న పాత రూ.500, రూ.1000 నోట్లను అలా విసిరినట్లు తెలిసింది.