సాయి పల్లవి ఆ విషయంలో నో కాంప్రమైజ్‌

'ఫిదా' సినిమాతో టాలీవుడ్‌లో ఎంట్రీ ఇచ్చిన బ్యూటీ సాయి పల్లవి. మొదటి సినిమాతోనే భానుమతి‌గా ప్రేక్షకులను ఫుల్ ఫిదా చేసి.. విపరీతమైన ఫ్యాన్ ఫాలోయింగ్‌ను సంపాదించుకుంది. అయితే ఆమెకు మలయాళంలో కూడా మంచి క్రేజ్ ఉండడంతో ఫిదా సినిమాను అక్కడ డబ్ చేసి విడుదల చేయడం గానీ, రీమేక్ చేయడం గానీ చేస్తారనే మాటలు వినిపించాయి. రీమేక్‌లో మీరు నటిస్తారా..? అంటూ సాయి పల్లవిని ప్రశ్నిస్తే మాత్రం.. ఛాన్సే లేదని తెగేసి చెప్పేస్తోంది.

రీమేక్ సినిమాల్లో నేను నటించను. ఇప్పటికే చేసేసిన పాత్రలో మళ్ళీ కనిపిస్తే అదే ఫీల్, ఎక్స్ప్రెషన్స్ పండకపోవచ్చు. ఒరిజినల్ సినిమాకు వచ్చిన స్పందన వస్తుందనే గ్యారంటీ కూడా లేదు. నేను ఒకేలా నటిస్తానని చెప్పలేను. అందుకే రీమేక్ సినిమాలో అసలు నటించను అని చెబుతోంది. కేవలం ఫిదా సినిమా మాత్రమే కాదు.. ఏ రీమేక్ సినిమాలో కూడా నటించనని వెల్లడించింది. ఒరిజినల్ కంటెంట్, ఛాలెంజింగ్ పాత్రలు చేయడమే తనకు ఇష్టమని అంటోంది.

ప్రస్తుతం ఈ హైబ్రీడ్ పిల్ల నాని 'ఎంసిఏ' సినిమాలో నటిస్తుండగా.. ఈ సినిమాను డిసెంబర్‌లో విడుదల చేయడానికి ప్లాన్ చేస్తున్నారు. అలానే నాగశౌర్య హీరోగా ఆమె నటిస్తోన్న మరో సినిమా కూడా ప్రేక్షకుల ముందుకు రానుంది.