MeToo: ‘పుట్టినరోజు నాడు ఏడ్చుకుంటూ ఇంటికెళ్లాను’

హాలీవుడ్‌లో మొదలైన మీటూ ఉద్యమం ప్రస్తుతం భారత్‌లో ప్రకంపనలు రేపుతోంది. బాధిత మహిళలు ఒక్కొక్కరిగా బయటకు వచ్చి తాము ఎదుర్కొన్న లైంగిక, మానసిక వేధింపులను బయటపెడుతుంటే, ఆరోపణలు ఎదుర్కొంటున్న వారు ఆత్మరక్షణ ధోరణిలో వ్యవహరిస్తున్నారు. #MeToo ఉద్యమంలో భాగంగా బాలీవుడ్ దర్శకురాలు, నిర్మాత నిషితా జైన్ గతంలో తాను ఎదుర్కొన్న వేధింపులను బహిర్గతం చేశారు.

ప్రముఖ జర్నలిస్ట్, జర్నలిజంలో సేవలకుగాను పలు అవార్డులు అందుకున్న వినోద్ దువా తనను లైంగికంగా వేధించాడని బాలీవుడ్ డైరెక్టర్ నిషితా జైన్ ఆరోపించారు. ఇంటర్వ్యూ కోసం వచ్చినప్పుడు డబుల్ మీనింగ్ మాటలు మాట్లాడేవాడని, అవకాశం చిక్కినప్పుడు తనను దగ్గరికి లాక్కుని కౌగిలించుకునేవాడని.. వేధింపుల వివరాలను తన ఫేస్‌బుక్ పోస్టులో రాసుకొచ్చారు.

‘1989 జూన్ నెలలో నా పుట్టినరోజు నాడు నాకిష్టమైన చీర కట్టుకున్నాను. డిగ్రీ పుర్తయిన తర్వాత ఆ పుట్టినరోజు నాడు టీవీ ఛానల్‌కు ఇంటర్వ్యూకు వెళ్లాను. సీట్లో కూర్చునేలోపే సెక్స్ సంబంధమైన జోక్ వేశాడు. ఇబ్బందిగా ఫీలయ్యాను. రెండు అర్థాలు వచ్చేలా ఇంటర్వ్యూ చేయడంతో నాకు కోపం వచ్చింది. శాలరీ ఎక్స్‌పెక్టేషన్ అడిగితే రూ.5000 అని చెప్పా. నాకు అర్థం కాకుండా ఏదో అంటూ తాకాలని చూశాడు. చివరికి నా ఉద్దేశాన్ని గమనించి జాబ్ ఇచ్చేందుకు నిరాకరించాడు. వేధింపులను తట్టుకోలేక పుట్టినరోజు నాడు ఏడ్చుకుంటూ ఇంటికి తిరిగొచ్చి విషయం చెప్పా. నన్ను కుటుంబసభ్యులు ఓదార్చారు.

కొన్ని రోజులకు నాకు ఉద్యోగం వచ్చింది. విషయం తెలుసుకున్న వినోద్ తరచుగా అక్కడికి వచ్చి నాకు ఇష్టం లేకున్నా మాట్లాడాలని చూసేవాడు. ఓరోజు పార్కింగ్‌లో ఆఫీస్ క్యాబ్ ఎక్కుతుంటే కూర్చోవచ్చా అని అడిగాడు. నేను వెనక్కి తిరిగి చూసేలోపే నాముఖంపై అతడి ముఖం ఉంది. దారిలో అడ్డుకుని, అసభ్యంగా తాకుతూ తరచుగా వేధించేవాడు. అలాంటి వ్యక్తి అక్షయ్ కుమార్‌పై కోప్పడటం వింతగా ఉంది.
Read also: MeToo సంబంధిత కథనాల కోసం క్లిక్ చేయండి

వినోద్ కూతురు మల్లికా దువాను అక్షయ్ సెక్సీయెస్ట్ అని కామెంట్ చేసినందుకు అతడికి కోపం వస్తే.. మరి నాతో మాత్రమే కాదు చాలా మంది మహిళలను లైంగికంగా హింసించిన అతడిపై సమాజం ఏ విధంగా స్పందించాలంటూ’ తన ఫేస్‌బుక్ పోస్టులో నిషితా రాసుకొచ్చారు. నా ఆరోపణల్ని అవాస్తవాలంటూ వినోద్ కొట్టిపారేస్తే తానేమీ ఆశ్చర్యపోనని #MeToo అని పోస్ట్ చేశారు.
Read In English: Filmmaker Nishtha Jain accuses Vinod Dua of sexual and and mental harassment