‘దేవ్’ ఫస్ట్ లుక్‌తో అదరగొడుతున్న కార్తీ

కార్తీ హీరోగా తెరకెక్కుతున్న తాజా చిత్రం ‘దేవ్‌’. రజత్‌ రవిశంకర్‌ దర్శకత్వం వహిస్తున్నారు. తాజాగా ఈ మూవీ ఫస్ట్ లుక్‌ను విడుదల చేశారు హీరో సూర్య. చేతిలో హెల్మెట్‌ , వెనకాల రేసింగ్ బైక్‌తో స్టైలిష్‌‌ లుక్‌తో ఆకట్టుకుంటున్నాడు కార్తీ. ఖాకీ చిత్రం తరువాత రకుల్ ప్రీత్ సింగ్‌ మరోసారి కార్తీతో జోడీ కడుతోంది. నిక్కీ గల్రాని మరో కథానాయికగా నటిస్తోంది.

ప్రకాష్ రాజ్, రమ్యకృష్ణ పవర్ ఫుల్ రోల్స్‌లో నటిస్తున్న ఈ సినిమాకి హరీష్‌ జయరాజ్‌ సంగీతం అందిస్తున్నారు. చెన్నై, హైదరాబాద్ , ముంబై , హిమాలయాస్ వంటి ప్రదేశాల్లో తెరకెక్కిన ఈ సినిమా చిత్రీకరణ చివరి దశలో ఉంది. ప్రిన్స్‌ పిక్చర్స్‌ బ్యానర్‌‌పై ఎస్ లక్ష్మణ్ కుమార్ నిర్మిస్తున్న ఈ సినిమా తెలుగు హక్కులను ప్రముఖ నిర్మాత ఠాగూర్ మధు దక్కించుకోగా రిలయన్స్ ఎంటర్ టైన్మెంట్ సమర్పణలో ప్రేక్షకుల ముందుకు రానుంది. యాక్షన్ డ్రామాగా వస్తున్న ఈ సినిమాను డిసెంబర్‌లో రిలీజ్ చేసేందుకు నిర్మాతలు సన్నాహాలు చేస్తున్నారు.