‘గౌతమ్‌నంద’ టాక్.. థమన్ చితక్కొట్టేశాడు!

గోపీచంద్‌ హీరోగా సంపత్‌నంది దర్శకత్వంలో రూపొందిన చిత్రం ‘గౌతమ్‌నంద’. ఈ సినిమా ఇవాళ ప్రేక్షకుల ముందుకు వచ్చింది. హన్సిక, కేథరిన్‌ కథానాయికలుగా నటించిన ‘గౌతమ్‌నంద’పై పాజిటివ్ టాక్ వినిపిస్తోంది. ఈరోజు ఉదయం ప్రీమియర్ షోలు చూసిన ప్రేక్షకులు ‘గౌతమ్‌నంద’ సూపర్ అంటూ పొగిడేస్తున్నారు. థమన్ మ్యూజిక్ చితక్కొట్టేశాడని, ఆఖరి 30 నిమిషాలు తన బ్యాక్‌గ్రౌండ్ స్కోరుతో సినిమాను ఎక్కడికో తీసుకెళ్లాడని అంటున్నారు.

ఇప్పటికే ‘గౌతమ్‌నంద’ ట్రైలర్, కొన్ని పాటల ప్రోమోలను చిత్ర యూనిట్ ప్రేక్షకులకు అందించింది. వీటిలో గోపీచంద్ స్టైలిష్ లుక్స్, చిత్రీకరణ, సంపత్ నంది టేకింగ్ అద్భుతంగా ఉండటంతో సినిమాపై అంచనాలు భారీగా పెరిగాయి. సినిమా కూడా అంచనాలకు తగ్గట్టుగానే ఉన్నట్లు ట్విట్టర్‌లో ప్రేక్షకులు పేర్కొంటున్నారు. ఫస్టాఫ్ యావరేజ్‌గా ఉందని, సెకాండ్ హాఫ్ మాత్రం అదిరిందని ఓ ప్రేక్షకుడు ట్వీట్ చేశాడు. సినిమాకి సంగీత దర్శకుడు థమనే హీరో అని అన్నాడు. ఆఖరి 30 నిమిషాలు థమన్ మ్యూజిక్ సూపరంటూ ట్వీట్ చేశాడు.
Watchable first half Good Second half Last 30 minutes.. @MusicThaman ye hero, chithakottesadu 👌🏻👌🏻 Liked it#GautamNanda #GouthamNanda — Gopal Alapati (@gopal_alapati) July 28, 2017
గోపీచంద్ నటన చాలా బాగుందని, ఫస్టాఫ్ కామెడీ కూడా వర్కౌట్ అయిందని ఓ ట్విట్టర్ యూజర్ ట్వీట్ చేశాడు. చాలా మంది సినిమా బాగుందనే ట్వీట్లు చేస్తున్నారు. అయితే ప్రతి ఒక్కరూ చెప్పే మాట.. థమన్ బ్యాక్‌గ్రౌండ్ స్కోరు సూపర్.
Decent movie #GautamNanda Avg 1st Half and Good 2nd Half@MusicThaman BGM 👍🏻 — Vinay Gudapati (@gudapativinay) July 28, 2017 #GautamNanda - Interesting and Entertaining 1st half.Comedy worked out well. Liked Gopichand's Performance. @MusicThaman BGM a Big Plus. 👌👌👌 — HARI KIRAN (@harikiranroyal) July 28, 2017
కాగా, ‘గౌతమ్‌నంద’ సినిమాని శ్రీబాలాజీ సినీ మీడియా పతాకంపై జె.భగవాన్, జె.పుల్లారావ్లు సంయుక్తంగా నిర్మించారు. ‘బిల్లా’, ‘అనగనగ ఒక ధీరుడు’, ‘బెంగాల్ టైగర్’ చిత్రాలకు పనిచేసిన తమిళ సినిమాటోగ్రాఫర్ సౌందరరాజన్ ‘గౌతమ్‌నంద’ను తన కెమెరాలో బంధించారు. గత నెల వివాదాల మధ్య విడుదలైన ‘ఆరడుగుల బుల్లెట్’ నిరాశపరచడంతో గోపీచంద్ ఈ సినిమాపైనే ఆశలు పెట్టుకున్నాడు. అయితే ఇప్పుడు ‘గౌతమ్‌నంద’కు పాజిటివ్ రెస్పాన్స్ వస్తుండటంతో గోపీచంద్ హ్యాపీగా ఉండుంటాడు.