'గౌతమిపుత్ర శాతకర్ణి' జాబితాలో మరో అరుదైన రికార్డ్!

క్రిష్ దర్శకత్వంలో నందమూరి బసవతారకరామ పుత్ర బాలకృష్ణ హీరోగా ప్రముఖ బాలీవుడ్ నటి హేమామాలిని, శ్రియ ప్రధాన పాత్రల్లో తెరకెక్కిన గౌతమిపుత్ర శాతకర్ణి రికార్డుల పరంపర కొనసాగుతోంది. ఇప్పటికే బాలకృష్ణ, క్రిష్ కెరీర్లలో బిగ్గెస్ట్ బ్లాక్‌బ‌స్టర్‌గా నిలిచిన ఈ సినిమా తాజాగా తక్కువ వ్యవధిలో అత్యధిక లైకులు సొంతం చేసుకున్న ట్రైలర్‌గా మరో అరుదైన రికార్డు సొంతం చేసుకుంది.

డిసెంబర్ 16న రిలీజైన ఈ మూవీ ట్రైలర్‌కి ఫ్యాన్స్ నుంచి భారీ రెస్పాన్స్ కనిపించిన సంగతి తెలిసిందే. మొత్తంగా 7.1 మిలియన్ వ్యూస్‌లకి చేరిన ఈ ట్రైలర్ తాజాగా ఒక లక్ష లైకులని సొంతం చేసుకున్న ట్రైలర్‌గానూ రికార్డ్ కొట్టేసింది. ఇంత తక్కువ వ్యవధిలో ఈ స్థాయిలో వ్యూస్, లైకులు కైవసం చేసుకున్న తొలి తెలుగు సినిమా ట్రైలర్ కూడా ఇదే కావడంతో బాలయ్య ఫ్యాన్స్ ఆనందానికి అవధుల్లేకుండా పోయాయి.