బాలయ్య 100వ చిత్రానికి 100 పతాకాలు!

బాలకృష్ణ 100వ చిత్రం ‘గౌతమి పుత్ర శాతకర్ణి’ విడుదల సందర్భంగా ప్రత్యేక వేడుక నిర్వహించనున్నారు. ఆయన వంద చిత్రాలకు గుర్తుచేస్తూ.. ‘శాతవాహన పతాకోత్సవం’ చేపట్టనున్నారు. ఈ నెల 8న సాయంత్రం 5.40 గంటల సమయంలో... ఏపీ, తెలంగాణలో రాష్ట్రాల్లోని వంద థియేటర్లలో ఈ వేడుకను అత్యంత ఘనంగా నిర్వహించేందుకు సన్నహాలు చేస్తున్నారు.

‘గౌతమి పుత్ర శాతకర్ణి’ ఈ నెల 13న విడుదల కానుంది. ఇప్పటికే ఈ చిత్రం ట్రైలర్‌కు యూట్యూబ్‌లో రికార్డు స్థాయిలో స్పందన వచ్చింది. చరిత్రలో శాతవాహనల గొప్పతనాన్ని తెలిపేలా శాతవాహనుల జెండాను రూపొందిస్తున్నారు.

విశాఖపట్నంలో జనవరి 8న జరిగే కార్యక్రమంలో బాలకృష్ణ, డైరెక్టర్ క్రిష్, నిర్మాతలు వై.రాజీవ్ రెడ్డి, జగర్లముడి సాయిబాబు, పంపిణీదారులు పాల్గొంటారు. జ్యోతి థియేటర్లో బాలయ్య శాతవాహన జెండ ఎగురవేసి.. కార్యక్రమాన్ని ప్రారంభిస్తారు. మిగతా 99 థియేటర్లలో బాలకృష్ణ అభిమానులు ఈ పతాకాలను ఎగురవేస్తారు. ఎంపిక చేసిన ఆ థియేటర్ల జాబితాను త్వరలో ప్రకటించనున్నారు.