అబ్బే.. నాభర్త డ్రగ్స్ ముట్టడు- సింగర్ గీతా మాధురి

తెలుగు సినిమా చిత్ర పరిశ్రమను షేక్ చేస్తున్న డ్రగ్ వ్యవహారంలో లాగేకొద్దీ డొంక కదులుతుంది. ఇప్పటికే ఈ వ్యవహారంలో 12 మంది టాలీవుడ్ సెలబ్రిటీలకు నోటీసులు అందించారు పోలీసులు. వారీలో హీరో రవితేజ, నవదీప్ లతో పాటు చార్మి, సుబ్బరాజు, తనీష్, పేర్లు ఎక్కువగా వినిపిస్తుండగా.. ప్రముఖ వర్థమాన గాయని గీతామాధురి భర్త, నటుడు నందు కూడా ఆరోపణలు ఎదుర్కొవడంతో.. తాజా వివాదంపై గీతా మాధురి స్పందించారు.

డ్రగ్స్ కేసులో తన భర్త పేరు టీవిల్లో చూసి షాక్ అయ్యానని అసలు తన భర్తకు డ్రగ్స్ తీసుకునే అలవాటే లేదన్నారు. నిన్నటివరకు వచ్చిన వార్తలు.. ఈరోజు వాస్తవాలుగా మారడంతో ఆ ఫ్యామిలీ నుంచి స్పందనలూ వస్తున్నాయి. మా ఆయన అలాంటోడు కాదని, డ్రగ్స్ తీసుకునేంత దారి తప్పలేదని గీతామాధురి మీడియాకు క్లారిటీ ఇచ్చింది. డ్రగ్స్ ముఠాతో నందూకి ప్రమేయముందన్న వార్తల్ని కూడా ఆమె తప్పుబట్టారు. నిజానిజాలు తేలకుండా దోషులుగా చిత్రీకరించడం కరెక్ట్ కాదని, తన భర్తపై తనకు పూర్తి నమ్మకం ఉందిని తాజా వివాదంతో తన ఫ్యామిలీ మొత్తం షాక్‌లో ఉందన్నారు గీతామాధురి.

మరోవైపు నందు.. ఈ వివాదంలో తన పేరు రావడం చాలా ఆశ్చర్యంగా ఉందని.. అసలు తన జీవితంలో డ్రగ్స్ ఎలా ఉంటాయో కూడా చూడలేదన్నారు. కేవలం నిజాలను మాత్రమే మీడియా బయటకు తేవాలని ఈ వివాదంలోకి తనను లాగొద్దని మీడియాకు విజ్ఞప్తి చేశాడు నందు.