రచ్చరేపిన సన్నీలియోన్ కండోమ్ యాడ్

వెండితెరపై అందాలు ఆరబోస్తూ.. గత కొంతకాలంగా కుర్రకారు గుండెల్లో సెగలు రేపుతున్న బాలీవుడ్ నటి సన్నీ లియోన్ మళ్లీ రచ్చకెక్కింది. ఇప్పటి వరకు సినిమాల్లోని సన్నివేశాలతో వివాదాలు రేపిన సన్నీ.. ఈ సారి ఓ కండోమ్ యాడ్ ద్వారా వార్తల్లో నిలిచింది. గోవాలోని మహిళా సంఘం ఒకటి సన్నీ యాడ్‌ను నిలిపివేయాలంటే ఏకంగా ఆ రాష్ట్ర మహిళా కమిషన్‌ని ఆశ్రయించింది.

కండోమ్ యాడ్‌లో సన్నీ లియోన్ గతంలో కూడా నటించింది. కానీ.. సదరు కంపెనీ వారు ఈ సారి ఓ అడుగు ముందుకేసి ప్రచారంలో భాగంగా ప్రభుత్వ రవాణ సంస్థ బస్సుల్లో, ప్రధాన కూడళ్లలో పెద్ద పెద్ద పోస్టర్ల‌ను అతికించారు. దీంతో మండిపడ్డ మహిళా సంఘాలు అసభ్యంగా ఉన్న ఆ యాడ్‌ను వెంటనే నిషేధించాలని డిమాండ్ చేస్తున్నాయి. బాలీవుడ్‌లో సినిమాలు చేయకముందు సన్నీ లియోన్ నీలి చిత్రాల్లో నటించిన విషయం తెలిసిందే.