నా జీవితంలో అదే బెస్ట్ నిర్ణయం: అనుష్క

‘మాంసాహారాన్ని మానేయాలని నిర్ణయించుకోవడమే నా జీవితంలో తీసుకున్న అత్యుత్తమ నిర్ణయం..’ అని అంటోంది అనుష్కా శర్మ. బాలీవుడ్ స్టార్ హీరోయిన్, టీమిండియా క్రికెట్ కెప్టెన్ విరాట్ కొహ్లీ భార్య అయిన అనుష్క తన ఆహారపు అలవాటును మార్చుకోవడం గురించి, అది తనపై చూపుతున్న ప్రభావం గురించి వివరించింది. మూడు సంవత్సరాల కిందట తను మాంసాహారాన్ని తినడాన్ని పూర్తిగా మానేశానని అనుష్క వివరించింది. ఆ తర్వాత దాని ప్రభావం తనకు అర్థం అయ్యిందని, నాన్ వెజ్ తినడం మానేయడంతోనే తనకు సరికొత్త శక్తి వచ్చిందని అనుష్క చెబుతోంది.

తను చాలా ఉత్సాహవంతం అయ్యానని, శారీరక ఆరోగ్య ఇబ్బందులు చాలా వరకూ తగ్గిపోయానని అనుష్క వివరించింది. తన ఆహారం కోసం ఏ జంతువూ, పక్షి చనిపోలేదన్న భావన కూడా తనకు మంచి అనుభూతిని కలిగిస్తోందని అనుష్క చెప్పింది.

అనుష్క ‘పెటా’లో కూడా సభ్యురాలు అయ్యింది. ఇది వరకూ వెజిటేరియన్లు అయిన పలువురు నటీమణులు పెటా కార్యకర్తలుగా చేరిన సంగతి తెలిసిందే. ఇప్పుడు అనుష్క శర్మ కూడా ఆ జాబితాలో చేరింది. నాన్ వెజ్ వద్దని, వెజ్ ముద్దనే ప్రచారాన్ని తను కూడా ఇక ముమ్మరం చేస్తానని అనుష్క ప్రకటించింది.