హీరో గోపీచంద్ (Gopichand), మారుతి (Maruthi) కాంబినేషన్‌లో తెరకెక్కిన మూవీ ‘పక్కా కమర్షియల్’ (Pakka Commercial). కామెడీ ..యాక్షన్ ఎంటర్‌టైనర్‌గా రూపొందిన ఈ సినిమా బన్నీ వాసు నిర్మించారు. రాశీ ఖన్నా (Raashi Khanna) హీరోయిన్‌. జూలై1న సినిమా థియేటర్ల‌లో సంద‌డి చేసింది. గోపీ చంద్ లుక్‌, రాశీ ఖన్నా గ్లామ‌ర్‌, మారుతి త‌ర‌హా కామెడీ, టేకింగ్ అన్నీ వెరసి పక్కా కమర్షియల్ కమర్షియల్ ఎంట‌ర్‌టైన‌ర్ అనే టాక్‌ను తెచ్చుకుంది. మరి ఫస్ట్ డే ఈ సినిమాకు ఏ మేరకు వసూళ్లు వ‌చ్చాయ‌నే దానిపై మేక‌ర్స్ అధికారిక ప్ర‌ట‌క‌న‌ను విడుద‌ల చేశారు.
మేక‌ర్స్ ప్ర‌క‌టించిన సమాచారం మేరకు పక్కా కమర్షియల్ తొలి రోజున సినిమాకు రూ. 6.3 కోట్ల గ్రాస్ వచ్చింది. ఈ లెక్క‌లో చూస్తే గోపీచంద్ కెరీర్‌లో హ‌య్య‌స్ట్‌ ఓపెనింగ్స్ తీసుకొచ్చిన సినిమా పక్కా కమర్షియల్ కావడం గమనార్హం. ఇదే ఊపులో సినిమా ర‌న్ అయితే ఈ వీకెండ్ ముగిసేసరికి మరింత అద్భుతమైన విజయం వైపు పక్కా కమర్షియల్ అడుగు వేసేలా కనిపిస్తోంది. సినిమాలో మారుతి డిస్కస్ చేసిన సీరియస్ అంశం కూడా ప్రేక్షకులను బాగానే అలరిస్తుంది.
గోపీచంద్ ఈ చిత్రంలో లాయ‌ర్ పాత్ర‌లో న‌టించారు. కోలీవుడ్ సీనియ‌ర్ న‌టుడు స‌త్య‌రాజ్ ఇందులో హీరో తండ్రి పాత్ర‌లో న‌టించారు. జాక్స్ బిజోయ్ సంగీతం అందించారు. జిల్ సినిమా త‌ర్వాత గోపీచంద్, రాశీ ఖన్నా జంట‌గా న‌టించిన చిత్ర‌మిది.
ఈ సినిమా దాదాపు రూ.19 కోట్ల రూపాయల మేరకు ప్రీ రిలీజ్ బిజినెస్ (Pakka Commercial Pre release Business) జరుపుకుందని ట్రేడ్ వర్గాల సమాచారం. సినిమా హిట్ టాక్ తెచ్చుకోవాలంటే రూ.20 మేరకు వసూలు చేయాలనేది అంచనా. తొలి రోజున దాదాపు ఆరున్న కోట్ల రూపాయల మేరకు వసూళ్లు వచ్చాయి. మరి వీకెండ్‌లో మిగతా రెండు రోజులు సినిమాకు ఎలాంటి కలెక్షన్స్ వస్తాయనేది అందరిలోనూ ఆసక్తిని పెంచుతోంది.